बाँकेको कोहलपुर नगरपालिकामा आवश्यकता भन्दा बढि कर्मचारी भएको पाईएको छ । कोहलपुर नरपालिकामा आवश्यक पर्ने कर्मचारी संख्या भन्दा दुई गुणा बढि कर्मचारी भर्ना गरिएको छ । राजनैतिक आडको भरमा आफ्ना कार्यकर्ता भर्ती केन्द्रकै रुपमा नगपालिकाकाले आवश्यकता भन्दा बढि कर्मचारी नियुक्ती गर्ने कार्यमा अगाडी बढेको छ । आवश्यक भन्दा बढि कर्मचारी नियुक्ती गरेर नगरपालिकाको आर्थिक भार थपिएको छ । लाखौँ रकम कर्मचारीको तलब भत्ता र अन्य सेवा सुविधामा खर्चिने गरेको पाइएको छ ।
नगरपालिका भित्रको दरबन्दी मिलान अनुसार विषयगत शाखा बाहेक प्रशासन शाखाको वडा र पालिकामा गरी ६२ जनाको स्वीकृत दरबन्दी रहेको छ ।

तर कोहलपुर नगरपालिकामा हाल वडा र पालिकाको प्रशासन तर्फ मात्र एक सय ४४ जना कर्मचारीहरु कार्यरत रहेका छन् । कोहलपुर नगरपालिकामा कुल कर्मचारी दुई सय ३५ जना रहेका छन् भने स्थायी एक सय १०२, अस्थायी १, करार एक सय १३ र ज्यालादारी २३ जना रहेका छन् ।कोहलपुर नगरपालिकाको प्रशासन तर्फ स्थायी ४५ जना, करार ३८ जना, ज्यालादारी एक जना, अस्थायी एक जना कर्मचारी रहेको पाईएको छ ।साथै ईन्जिनियर तर्फ स्थायी ६ जना, ज्यालादारी एक जना रहेका छन् । कोहलपुर गरपालिकाले सेवा क्षेत्र नछुट्याएका कर्मचारीहरु करार ३४ जना र ज्यालादारी आठ जना, विविध सेवा क्षेत्र शीर्षकमा स्थायी नौ र करार दुई जना कर्मचारी रहेको पाईएको छ ।

यसका साथै कोहलपुर नगरपालिकाको शिक्षा शाखामा चार जना स्थायी, स्वास्थ्य शाखामा २८ जना स्थायी र ३५ जना करार, कृषि शाखामा नौ जना स्थायी, दुई जना करारमा रहेको पाईएको छ । कोहलपुर नगरपालिकामा आवश्कयता भन्दा बढि कर्मचारी हुँदा पनि स्थायी काजमा हाल १३ जना स्थायी कर्मचारीहरु कार्यरत रहेको पाईएको छ । कोहलपुर नगरपालिकामा हाल सात जना सवारी चालक, ४९ जना कार्यालय सहयोगी र ५८ जना श्रेणी बिहिन कर्मचारीहरु मध्ये स्थायी नौं जना, करार ३८ र अस्थायी दुई जना कर्मचारी कार्यरत रहेका छन् । कोहलपुर नगरपालिकाका प्रशासकिय अधिकृत कर्ण बहादुर थापाका अनुसार संघिय मन्त्रालयका अनुसार कोहलपुर नगरपालिकामा कर्मचारी बढी भएको हो । तर नेपाल सरकारले बनाएको ऐन अनुसार स्थानिय तहमा कर्मचारी आवश्यक रहन गएको बताएका छन् । स्थानिय तहमा कर्मचारी आवश्यक परेको खण्डमा संघिय सरकारबाट दरबन्दी स्वीकृत लिई कर्मचारी राख्नुपर्ने कोहलपुर नगरपालिकाले हचुवाको भरमा कर्मचारी राख्नु संघिय कानून विपरित भएको कोहलपुर नगरपालिका वडा नं. १० का स्थानियबासी मान बहादुर भण्डारी बताउँछन् ।
एकातर्फ अस्थायी, ज्यालादारी तथा करार कर्मचारीहरुको बढुवा तह वृद्धि कानून विपरीत गरेको पाइएको छ । कोहलपुर नगरपालिमा संख्याको हिसाबले यति धेरै कर्मचारीहरु हुँदा पनि सेवाग्राहीले छिटो, छरितो रुपमा सेवा लिन कठिन रहेको छ । कर्मचारीतन्त्र र जनप्रतिनिधीहरुको नेतृत्वदायी भूमिका कम हुँदा सेवाग्राहीले एउटै कामको लागि हप्तौ दिन कार्यालयमा धाउनु पर्ने र कर्मचारीहरुले विभिन्न बहाना बनाउदैँ आएको समेत पाइएको छ ।