कोहलपुर / कोहलपुर नगरपालिका वडा नम्बर ११ मा गएराती ८२ वर्षीया साउनी कार्कीको हत्या भएको छ ।
वाईसीएल बाँकेका संयोजक समेत रहेका आकाश कार्कीको आमा साउनी कार्कीको हत्या गरिएको हो । कोहलपुर इलाका प्रहरी कार्यालयका प्रमुख डिएसपी रविन्द्र खनालका अनुसार धाराको ह्याण्डीलले टाउकोमा हानेर कार्कीको हत्या भएको प्रारम्भीक अनुसन्धानले देखाएको छ । आफ्नै ओछ्यानमा सुतिरहेको अवस्थामा कार्कीको हत्या गरी हत्याराले उनको साथमा रहेको गरगहना र केही नगद समेत लगेर गएको खनालले बताए ।
यद्यपी के कारणले हत्या गरीएको भन्ने बारे अझैं खुल्न नसकेको र प्रहरीले अनुसन्धान अगाडी बढाएको खनालले जानकारी दिए । कार्कीको शव पोष्टमाटमकालागि भेरी अस्पताल नेपालगन्ज पठाइएको छ ।