कोहलपुर नगरपालिका वडा न ११ मा गएराति ८२ बर्षिया महीलाको धारिलो हतियार प्रयोग गरी हत्या गरिएको छ । धाराको ह्याण्डीलले टाउकोमा हानेर साउनी कार्कीको हत्या गरिएको कोहलपुर इलाका प्रहरी कार्यालयका प्रमुख डिएसपी रविन्द्र खनाले जानकारी दिनुभयो । आफ्नै ओछ्यानमा सुतिरहेको अवस्थामा कार्कीको हत्या गरी हत्याराले उनको साथमा रहेको गरगहना र केही नगद समेत लगेर गएको खनालले बताउनुभयो। के कारणले हत्या गरीएको भन्ने बारे अझैं खुल्न नसकेको र प्रहरीले अनुसन्धान अगाडी बढाएको खनालले जानकारी दिनुभयो । कार्कीको शव पोष्टमाटमका लागि भेरी अस्पताल नेपालगन्ज पठाइएको छ । मृतक कार्की माओवादीको युवा संगठन वाईसीएल बाँकेका संयोजक आकाश कार्कीको आमा रहेको खुल्न आएको छ ।