कोहलपुर/बाँकेको राप्तीसोनारी गाँउपालिका २०७७ साल माघ २६ गते सहायक कम्प्युटर अप्रेटर (सहायक चौथो तह) को विज्ञापन आव्हान गरेको थियो । उक्त विज्ञापनमा २९ जनाले दरखास्त दिएका थिए । गाँउपालिका अध्यक्ष लाहुराम थारुको मनगणन्ते निर्णयका कारण हाल सम्म उक्त परिक्षा हुन सकेको छैन ।

एकातर्फ उक्त परिक्षा रद्दका विषयमा गाँउपालिकाले कुनै निर्णय नगरि पावरका भरमा जनप्रतिनिधी र कर्मचारीका कारण उक्त परिक्षा रद्द के कति कारणले गराइएको आफू अनविज्ञ भएको गाँउपालिकाका एक कर्मचारीले आफ्नो नाम गोप्य राखिदिने शर्तमा बताए । उक्त विज्ञापन त्यतिबेलाका कार्यरत प्रमुख प्रशासकिय अधिृकत नर बहादुर वि.कले प्रकाशित गरेका थिए ।

स्थानिय तह राप्तीसोनारी गाँउपालिकामा यसभन्दा पहिलेका समयमा गाँउपालिका अध्यक्ष लाहुराम थारुको मनोमानी निर्णयले कर्मचारी भर्ना गर्ने कार्य भइरहेको स्रोत बताउँछ । गाँउपालिकामा नियुक्ती भएका कतिपय करार कर्मचारीहरुलाई ज्यालादारीमा राख्दै करार नियुक्ती समेत गरेको तथ्य खुलेको छ । आफ्नो नाम गोप्य राखिदिने शर्तमा दरखास्त दिएका एक विद्यार्थीका अनुसार गाँउपालिका अध्यक्षले विज्ञापन खुलाएर परिक्षा लिन नचाएको र आफ्नो पक्षमा रिजल्ट नआउने भएपछि परिक्षा नै लिन नखोजेको आरोप लगाएका छन् ।

यस विषयमा न्युज नमस्तेको टेलिफोन सम्पर्कमा राप्तीसोनारी गाँउपालिका अध्यक्ष लाहुराम थारुलाई बुझ्दा उनले भने गाँउपालिकाले विज्ञापन आव्हान गरेतापनी बजेट नछुटाएको र शिक्षा शाखाको कर्मचारीलाई जिम्मेवारी दियौँ उनले भने । तर दरखास्त शुल्क नलिएको अध्यक्षको दाबी भएतापनी गाँउपालिकाको प्रशासन शाखाले नगदी रसिद ४ सयको राजश्व कटाएको थियो ।
यस विषयमा राप्तीसोनारी गाँउपालिकाकी उपाध्यक्ष धनिकुमारी खत्रीसंग बुझ्दा आफुलाई सर्वेक्षक र कम्प्युटर अप्रेटरको विज्ञापन खुलेको र जिल्ला भन्दा बाहिरका आवेदनकर्ताहरुले आवेदन दिएको खबर सुनेतापनी आफुलाई अन्य कुनैपनी जानकारी नभएको र आफु समितीमा समेत नरहेको बताइन् ।

परिक्षा रद्द गर्ने नगर्ने सम्वन्धमा कार्यपालिकाको बैठकमा विषय उठान नभएको उपाध्यक्ष खत्री बताउँछिन । इसाराको भरमा ऐन र कानुन विपरित यस्ता विज्ञापन खोलिने र प्रतिस्पर्धा समेत नगरी आफ्ना कार्यकर्तालाई भर्ती केन्द्रको रुपमा स्थानिय जनप्रतिनिधीहरु लागेको स्थानियबासीको आरोप छ ।