कोहलपुररबाँकेको कोहलपुरमा १ दर्जन पुनस्थापना केन्द्रहरु रहेका छन् । मापदण्ड विपरित स्थापना भएका पुनस्थापना केन्द्रहरु कमाउ धन्दा बनाइरहेका छन् ।लागुऔषध प्रयोगकर्ताहरुलाई उपचार तथा पुर्नस्थापनाका लागि उद्देश्य राखेर खोलिएका पुर्नस्थापना केन्द्रहरुमा सरकारले तोकेको मापदण्ड विपरित संचालनमा रहेको पाइएको छ ।

लागू औषध प्रयोगकर्ताहरुको लागत उपचार पूर्नस्थापना केन्द्र सञ्चालन निर्देशिका २०७५, अनुसार पुर्नस्थापना केन्द्र संचालनका लागि भवन तथा कम्पाउन्डको व्यवस्थापन भएको, चौबिसै घण्टा शुद्ध पानीको व्यवस्था, मनोरञ्जनका लागि टेलिभिजनको व्यवस्था, दक्ष स्वास्थ्यर्मी, बगैचाको व्यवस्था, सुरक्षा, पालेपहरा, भान्से, कार्यालय सहयोगी, संचालन सम्वन्धी विज्ञ व्यक्ति, मान्यता प्राप्त डाक्टर, अहेव, अनमी, स्वास्थ्य बिमा, योग ध्यान कक्ष, लाइब्रेरी, उपचारत व्यक्तिको दैनिक डिजिटल हाजिरी ,अपाङ्गमत्री संरचना, आगन्तुक तथा भेटघाटमा आएका व्यक्तीहरुको अभिलेख, नागरिक वडापत्र, तोकिएको मासिक शूल्क लागू भएको प्रमाणपत्र, उपचार केन्द्रमा सीपमूलक तालिम, अभिमूखिकरण संचालन गरेको विवरण लगायतका मापदण्ड पूरा भएको हुनुपर्ने हो । तर साइनबोर्डका भरमा खोलिएका पूर्नस्थापना केन्द्र (रियाब) संचालकको कमाउ धन्दा बनेको छ । उक्त पुर्नस्थापना केन्द्र (रियाब)मा राखिएको व्यक्तिहरु लापरवाहीका कारण मृत्यू समेत भएका खबरहरु बाहिररहेका छन् ।

कोहलपुरमा संचालनमा आएका पूर्नस्थापना केन्द्र (रियाब)का संचालकहरुले मापदण्ड विपरित शुल्कहरु समेत असुली गरिएको स्रोत बताउँछ । कोहलपुरमा जागरण पूनस्थापना केन्द्र, उद्देश्य पूर्नस्थापना केन्द्र, सम्भव पूर्नस्थापना केन्द्र, नयाँ जीवन पूर्नस्थापना केन्द्र लगायत १ दर्जन पूर्नस्थापना केन्द्र साईनबोर्डका भरमा संचालनमा आएका छन् । यस विषयमा सम्वन्धी निकाय मौन बसेको छ ।