कोहलपुर/ राप्तीसोनारी गाँउपालिका वडा नं. ८ का जनप्रतिनिधीहरुको कार्यकुशलताको कारण वडाको मुहारमा परिवर्तन आएको छ । स्थानिय सरकारमा जनप्रतिनिधी बिहिन अवस्थामा साविकको महादेवपुरी गाविसले विकासको फड्को मार्न सकेको थिएन । विभिन्न स्थानिय तहहरुमा जनप्रतिनिधीले नागरिकको भावना अनुरुप काम गरेनन् भनेर विभिन्न समाचार आइरहँदा राप्तीसोनारी गाँउपालिका वडा नं. ८ का जनप्रतिनिधीहरुले भने सबै जनप्रतिनिधी एउटै हुँदैन भन्ने सन्देश दिएका छन् । वडाका जनप्रतिनिधीहरुको सम्वन्ध र वडाको समग्र विकास निर्माणमा ध्यान केन्द्रित भएको छ ।

राप्तीसोनारी गाँउपालिका वडा नं. ८ मा निर्वाचित जनप्रतिनिधी मध्ये उमेरले पाका मध्येका एक हुन बिरभान खड्का । लामो समयदेखी राजनैतिक यात्रामा होमिएर सामाजिक सेवामा निरन्तर लागि परेका खड्का वडा सदस्य पदमा रहेर वडाको समग्र विकास निर्माणमा अगाडी बढेका छन् । सदस्य खड्का भन्छन् , हामी निर्वाचन भएपछि हामीले घोषणा पत्रमा उल्लेख गरेका मुद्धाहरु ७५ प्रतिशत काम गर्न सफल भएका छौँ । वडा अध्यक्ष देखी सबै जनप्रतिनिधीहरुको सहकार्य र समहतीबाट हामी अगाडी बढेका छौँ । हाम्रो उदेश्य भनेकै जनताको हितमा रहेर वडालाई नमूना बनाउने लक्ष्य हो यसैमा हाम्रो ध्यान केन्द्रित रहेको बताउँछन् । वडा सदस्यकै पदमा रहेर जिम्मेवारी बहन गरिरहेकी तारादेवि वि.क दिनरात नभनी विकास निर्माणका तैनाथ छिन् । सदस्य वि.क. भन्छिन् हाम्रो वडामा थुपै्र समस्याहरु थिए । सडक सञ्जालको समस्या, विद्युतको समस्या , अर्कोतिर खानेपानीको समस्या, लगायत दजर्नौ समस्याहरु हाम्रो अगाडी खडा थिए । अहिले वडामा सबै जसो समस्याहरु समधान भएका छन् । गाँउपालिकाले बिनियोजित गरेका बजेट शिर्षकहरु हामीले पूर्ण रुपमा कार्यान्वयन गर्नमा सफल भएका छौँ । विकास निर्माण संगै अबको बाटो भनेको समाजलाई कसरी आर्थिक सर्मद्ध बनाउने हो उक्त लक्ष्यमा अगाडी बढेको वडा सदस्य वि.क.को भनाई रहेको छ । सदस्य वि.क.संगै वडा सदस्य लेखराम थारु र वडा सदस्य नैनीकुमारी खत्रीको भूमिका पनि उत्तिकै रहेको छ ।

राप्तीसोनारी गाँउपालिकाको सबैभन्दा नमूनाको रुपमा मानिएको वडाको रुपमा बाँकेमा परिचित रहेको छ । उक्त वडाका वडा अध्यक्ष खुम बहादुर बस्नेत युवा वडा अध्यक्ष हुन । राजनैतिक यात्रा संगै सामाजिक क्षेत्रमा लामो समयदेखी योगदान पु¥याउदै आएका बस्नेत संग जनप्रतिनिधी हुुँनुभन्दा पहिले नै थुपै अनुभव रहेको थियो । स्थानिय निकायको निर्वाचनबाट आफु बिजय भएपछी वडालाई कसरी विकास गर्ने उनले फरकखालको रणनैतिक योजना तयार गरे र काम गर्न शुरु गरे । कोरोना भाइरसका कारण वडामा हुने बिकास निर्माणका कामहरु असहजता पैदा भयो तर अध्यक्ष बस्नेतले हार खाएनन् । जनतालाई सिमा नाकामा उद्धार गर्नका लागि आफै गाडी दिएर दिनहुँ जाँदै गर्दा आफै कोरोना संक्रमित हुन पुगे । जनताको दुख सुखमा पलपलमा दौडिने अध्यक्ष बस्नेत बडाबासीका लागि अभिभावको भूमिका निर्वाहमा तैनाथ छन् । अध्यक्ष बस्नेत भन्छन् आफ्नो कार्यकालमा जनताको समस्याहरु समधान गरी उनीहरुको अनुहारमा खुसी ल्याउनु नै हामी सफल हुनु हो उनले भने । २०७७र०७८ मा राप्तीसोनारी गाँउपालिकाले करिब १ करोड ७५ लाख रकम बजेट बिनियोजित गरेको थियो । उक्त बजेट शतप्रतिशत विभिन्न शिर्षकमा बिनियोेजित गरि काम सम्पन्न भएको छ । राप्ती सोनारी गाउँपालिका वडा नं. ८ साविक महादेवपुरी गाउँ विकास समितिका वडा नं.६,७,८ र ९ मिलेर बनेको हो । राप्ती सोनारी गाउँपालिका वडा नं. ८ मा २०७५ सालको घरधुरी सर्भेक्षण, अनुसार यस वडाको कुल जनसंख्या ४०२० रहेको छ ।

जनप्रतिनिधी आएपछीको परिवर्तन
वर्षाको समयमा सर्पको टोकाइबाट मानिसहरुको अकालमा मृत्यु हुने भएपछी हाल उक्त वडामा सर्पदंश उपचार केन्द्र निर्माण भएको छ । त्यहाँ रहेको नेपाली सेनाले वडा संग सम्वन्य गरी प्रभावकारी सेवा दिएको छ । हाल सर्पको टोकाइबाट मृत्युहुनेहरुको संख्यामा निकै कमी आएको छ । वडामा जनताहरु सेवा दिनका लागि एम्बुलेन्स सेवा बिस्तार गरिएको छ । सर्पदंश उपचार केन्द्रमा अक्षय कोष निर्माण गरिएको छ ।

३२ बिगाहमा रहेको सम्शेरगंज पार्क निर्माणका काम अगाडी बढाइएको छ । वडा कार्यालयको भवन निर्माण,सडक कालोपत्रे , बालापुरमा रिङ्गरोड निर्माण कार्य, विद्यालयमा शैैक्षिक जनशक्तीको व्यवस्थापन, शुद्ध खानेपानीका लागि आवश्यक सामग्री व्यवस्थापन , आर्थिक रुपान्तरणका महिलाहरुलाई विभिन्न सीपमूलक तालिम, नेतृत्व विकास समिती अभिमुखिकरण, कृषि क्षेत्रमा आवद्ध कृषकहरुलाई अनुदानका कार्यक्रम वितरण लगायत दर्जनौँ कामहरु गरेर वडा नं. ८ उदाहरणीय वडा बन्न पुगेको छ । त्यहाँ जनप्रतिनिधीहरुको एकआपसमा समुधर सम्वन्ध , समस्या आएको खण्डमा समस्यालाई सजिलै समधान गर्न सक्ने क्षमता वडा अध्यक्ष देखी वडा सदस्य सबैमा रहेको छ । त्यहाँका जनप्रतिनिधीहरु आफ्नो कार्यकालमा आफुले चुनावको बेला घोषणा पत्रमा उल्लेख गरेका नाराहरु शतप्रतिशत रुपमा पुरा गर्ने लक्ष्यमा तलिन छन् । तर उक्त वडालाई केन्द्र सरकार र प्रदेश सरकारबाट कुनै पनि रकम बिनियोजित भएको छैन ।