काठमाडौं, असार ३०

बिपी कोइराला स्वास्थ्य विज्ञान प्रतिष्ठानमा आनदोलनरत् संयुक्त संघर्ष समितिले प्रधानमन्त्री शेरबहादुर देउवालाई पाँच बुँदे ध्यानाकर्षण बुझाएको छ।बिपी प्रतिष्ठानमा उच्चस्तरीय छानविन आयोग गठन हुनुपर्ने, प्रतिष्ठानका चारै जना पदाधिकारीलाई हटाउनुपर्ने माग राख्दै संघर्ष समितिले देउवालाई पत्र पठाएको हो।चिठीमा आन्दोलनरत् समूहसँग ४८ घन्टाभित्र प्रधानमन्त्री तहबाटै सचिवस्तरीय वार्ता कमिटी गठन गर्नुपर्ने माग गरिएको छ।

पत्रमा छानविनबाट दोषी देखिएकालाई तत्काल कारबाही गर्न माग गरिएको छ।। छानविन आयोगमा संघर्ष समितिका प्रतिनिधि, स्वास्थ्य, अर्थ, शिक्षा मन्त्रालयलगायत प्रतिष्ठानका पूर्वपदाधिकारी र विज्ञसमेत संलग्न हुनुपर्ने माग गरिएको छ।बिपी प्रतिष्ठानमा एक महिनादेखि चिकित्सक र विद्यार्थी आन्दोलनरत् छन्।

प्रतिष्ठानमा रहेको भ्रष्टाचार र अनियमितता ढाकछोप गर्न पदाधिकारी नै सक्रिय भएको भन्दै उनीहरूले संघर्ष समिति गठन गरेर आन्दोलन गरिरहेका छन्।  प्रधानमन्त्रीले ४८ घन्टाभित्र माग पूरा नगरे शुक्रबारदेखि हरेक दिन बिहान ८-१० बजेसम्म आकस्मिक सेवा, कोभिड उपचार, पूर्वनिर्धारित परीक्षा रोक्ने चेतावनी संघर्ष समितिले दिएको छ।सेतोपाटी