काठमाडौं, असार २९

नेकपा एमालेका अध्यक्ष तथा प्रधानमन्त्री केपी शर्मा ओलीले आफ्नो सम्बोधनका क्रममा वरिष्ठ नेता माधवकुमार नेपाल पक्षका सांसदहरूप्रति कटाक्ष गरेका छन्।आज सिंहदरबारबाट बिदाइ हुनुअगाडि देशबासीका नाममा सम्बोधन गरेका ओलीले नेता नेपाल पक्षका सांसदले अराजक तथा पार्टी अनुसाशनहीन काम गरेको बताए।प्रतिपक्षी दलका नेता नेपाली कांग्रेसका सभापति शेरबहादुर देउवालाई प्रधानमन्त्री बनाउन भूमिका खेलेको र अदालतमासमेत पुगेर हस्ताक्षर गरेकोमा ओलीले असन्तुष्टी जनाएका छन्।

सर्वोच्चबाट अहिले परमादेश हुनुमा एमालेका २६ जना सांसदको भूमिका रहेको पनि ओलीको भनाइ थियो।अहिले सर्वोच्चबाट जुन फैसला भयो त्यो फैसलाका पछाडि जम्माजम्मी नेकपा एमालेका २६ जनाले राष्ट्रपतिकहाँ विद्रोही भन्दै (के को विद्रोही हुन्छ? अनुशासनहीन र अराजक ढंगले राष्ट्रपतिकहाँ गए,’ ओलीले भने।२६ जना सांसद आफ्नो पार्टीको सरकार ढाल्ने र प्रमुख प्रतिपक्षलाई प्रधानमन्त्री बनाउनुपर्छ भनेर हिँडेको पनि ओलीको भनाइ थियो।

‘अदालतमा हस्ताक्षर गरेर जाने काम भयो। विपक्षीसँग मिल्ने र भित्रभित्रै अन्तघात र साँठगाठँ गर्ने? आफ्नो खुट्टामा पास दिनुपर्ने खेलाडीले विरोधीका खुट्टामा पास दिन्छ,’ उनले भने, ‘आफू गोलरक्षक हुनुपर्ने ठाउँमा पोस्ट खाली गरिदिन्छ। पोस्टमा कोही बसे लखेट्न खोज्छ। यो खालको स्थिति हामीले देख्यौं।’सेतोपाटी