बाँकेको राप्तीसोनारी गाँउपालिका वडा नं. ९ मा आइतबार आयोजित राप्रपाको कार्यकर्ता भेला कार्यक्रम सम्पन्न भएको छ । राप्रपाका केन्द्रिय कार्य सम्पादन समितीका सदस्य हिक्मत ढकाल र पूर्व मन्त्री प्रेम बहादुर भण्डारीको प्रमुख आथित्यमा ऊक्त कार्यत्रम भएको । केही दिन अगाडी विभिन्न भ्रममा पारी राष्ट्रिय प्रजातन्त्र पार्टीका क्रियाशिल कार्यकतालाई नेपाल कम्युनिष्ट पार्टी (एमाले)मा प्रवेश गरेका क्रियाशिल कार्यकर्ताहरु पुन आफ्नै पार्टीमा फर्केका छन् ।

सोमबार राप्रपाको आयोजित कार्यकर्ता भेटघाट तथा भेला कार्यक्रममा नेकपा एमालेले आफुहरुलाई भ्रममा पारेको भन्दै पुन आफ्नै पार्टी राप्रपामा प्रवेश गरेको राप्तीसोनारी गाँउपालिका वडा नं. ९ का रुपलाल खत्रीले बताए । खत्री भन्छन् हामी भ्रममा पर्‍यौ, लामो समयदेखी राप्रपा पार्टीमा हाम्रो बलिदान रहेकोले र अन्य पार्टीमा प्रवेश गर्ने हाम्रो कुनै इच्छा चाहाना छैन् आजिवन राप्रपाको झण्डामुनी गोलबन्द भएर बस्ने हाम्रो धोको छ उनले भने । उक्त कार्यकर्ता भेटघाट तथा भेलामा सम्वोधन गर्दै राष्ट्रिय प्रजातन्त्र पार्टीका पूर्व मन्त्री प्रेम बहादुर भण्डारीले राप्रपाका कार्यकर्ताहरुलाई विभिन्न प्रलोभवमा पार्टी प्रवेश गराउने कार्य निन्दनिय भएको बताएका छन् । साथै उनले जनताले विश्वास गरेर बिजय गराएको दुई तिहाईको सरकारले जनताको भावना विपरित कार्य गर्दै गइरहेको र जनताको जिवन स्तरमा कुनै परिवर्तन नआएकोले हिन्दु राष्ट्र सहितको राष्ट्र निर्माणमा सर्म्पूण कार्यकर्ताहरु एकजुट हुन आग्रह गरेका छन् । द्धन्दको समयमा आफुहरुले गोली खान तयार हुँदा पनी हिन्दुराष्ट्रको मुद्धा नछोडेको बताए । राष्ट्रिय प्रजातन्त्र पार्टी (राप्रपा) पार्टीको संगठन बिस्तारका साथै मजबुत संगठन भइरहेका बेला बिभिन्न बहाना बनाउदै अन्य पार्टीहरुले कार्यकर्ता भड्काउमा लागेकाले सम्पूर्ण कार्यकर्ता सचेत रहन पूर्व मन्त्री भण्डारीले आग्रह गरेका छन् । नेकपा एमालेमा प्रवेश गरेका ४ दर्जन बढि राप्रपाका क्रियासिल कार्यकर्ताहरु पुन आफ्नै घरमा फर्किर्एको राष्ट्रिय प्रजातन्त्र पार्टी केन्द्रिय कार्य सम्पादन समितीका सदस्य हिक्मत ढकालले बताए ।
त्यस्तै कार्यक्रममा बोल्दै राष्ट्रिय प्रजातन्त्र पार्टी (राप्रपा)बाँकेका अध्यक्ष नरेन्द्र कुमार पौडेलले देश र जनताको हितका लागि राष्ट्रिय प्रजातन्त्र पार्टीले उठाएका मागहरुमा जनताले प्रष्ट रुपमा बुझिसकेकाले आगामी दिनमा यस्ता भ्रमहरु नदोर्‍याउन समेत अनुरोध गरेका छन् । कार्यक्रममा बोल्दै राष्ट्रिय प्रजातन्त्र पार्टी बाँकेका कोषाअध्यक्ष याम बहादुर रावतले राप्तीसोनारीमा राप्रपाको बलियो पकेट क्षेत्र भएकाले अन्य पार्टीले विभिन्न बहानमा कसरी फुटाउने भन्ने सोचमा लागि रहेकाले यस्ता गतल क्रियाकलापमा नलाग्न समेत अनुरोध गरेका छन् । उक्त राष्ट्रिय प्रजातन्त्र पार्टी राप्तीसोनारी ९ ले आयोजना गरेको कार्यकर्ता भेलामा २ सय बढि क्रियासिल कार्यकर्ताहरुको उपस्थित रहेको थियो ।