कोहलपुर/ नेपाली काँग्रेसको महाधिवेशनका लागि क्रियाशील सदस्यलाई प्रारम्भिक मतदाताका रुपमा हेरिन्छ । किनभने, गाउँ र नगरका वडा अधिवेशनबाट क्रियाशील सदस्यहरुले क्षेत्रीय प्रतिनिधि चुनेर पठाउँछन् र तिनै क्षेत्रीय प्रतिनिधिले केन्द्रीय महाधिवेशनका प्रतिनिधि चुन्छन् । र, उनीहरू नै केन्द्रीय महाधिवेशनका मतदाता हुन्छन् । कांग्रेसमा वाध्यतामाथि क्रियाशील सदस्यता वितरण र नवीकरणमा देखिएको समस्या चुनौतीका रुपमा खडा भएको छ ।

नेपाली कांग्रेसको १४ औं महाधिवेशनको मिति नजिकिदै गर्दा कोहलपुर कांग्रेसको क्रियासिल विबादको टुङ्गो लाग्न सकेको छैन् । कांग्रेसको क्रियाशिल सदस्यता लिनका लागी पाटी पंक्तीमा लामो समयदेखी योगदान रहेका पार्टीका हरेक गतिविधीमा सहभागीता जनाएको व्यक्तिहरुले पाउने विद्यानमा उल्लेख भएता पनी कांग्रेसका केही नेताहरुले चुनाव आफ्नो पक्षमा पार्नका लागी मनपरी क्रियाशिल वितरण भइरहेको कांग्रेस स्रोत बताउँछ ।

स्रोतका अनुसार क्रियासिलको विवादमा परेका कोहलपुर नगरपालिका वडा नं.५, वडा नं.८, वडा नंं ६, वडा नं. १२, वडा नं. १३, वडा नं १४, र वडा नं १५ मा रहेका छन् । कोहलपुर नगर र क्षेत्रीय सभापती पदमा दाबेदार गर्ने नेताहरुको मनोमानी निर्णयका कारण बास्तविक कांग्रेसले क्रियासिल नपाएको कोहलपुर नगरपालिका वडा नं. ८ का एक नेताले आफ्नो नाम गोप्य राखिदिने शर्तमा बताए ।

सुनिल थापा समूहको भन्दै कांग्रेसकै कार्यकर्तालाई क्रियाशिल फारम भरिदैं

राष्ट्रिय प्रजातन्त्र पार्टीबाट नेपाली कांग्रेसमा प्रवेश गरेका पूर्व प्रधानमन्त्री स्वर्गीय सूर्य बहादुर थापाका छोरा सुनिल थापाको समूहलाई क्रियाशिल सदस्य अध्यावधि गरिन थालेको कांग्रेस स्रोतले बताएको छ ।

यस विषयमा राप्रपा कि कोहलपुर नगर अध्यक्ष सरिता शाहीसंग बुझ्दा नेता सुनिल थापाका कुनैपनी कार्यकर्ता कोहलपुरमा नरहेको बताइन् ।

तर नेपाली कांग्रेसले भने सुुनिल थापाका कार्यकर्ता भन्दै कांग्रेसमै आवद्ध भएका कार्यकर्ताहरुलाई राप्रपाबाट प्रवेश गरेको भन्दै धमाधम क्रियाशिल फारम भरेका हुन । करिब १ सय ७० थान क्रियाशिल सदस्य भरिएको स्रोत बताउँछ । यसरी चुनावलाई आफ्नो दाउमा पार्न लागी कोहलपुर कांग्रेसले गुट बलियो बनाउन नेताहरु रणनिती खेलेका हुन ।
मृत्यु भैसकेको क्रियाशिल सदस्यहरुको नाममा अन्य नाम राखी आएको विभिन्न सञ्चार माध्यममा प्रकाशित समाचारका कारण क्रियाशिल सदस्य नपाएकाहरुलाई पुनः सुनिल थापा समूहबाट समायोजन भइ आएको कार्यकर्ता देखाई क्रियाशिल दिने जोड चलिरहेको देखिन्छ ।
यता नेपाली कांग्रेसका क्षेत्रिय सभापति माधव राम खत्रीले जिल्लाले सदर गरि क्रियाशिल सदस्य अत्यावधि गर्नेहरुको नामावली पठाइएको प्रति निष्पक्ष छानविन हुनुपर्ने बताए ।

काँग्रेस नेकपा बन्ने चिन्ता !
यता काममा ढिलाइ हुनुलाई राष्ट्रिय राजनीति ‘अर्ली इलेक्सन’मुखी देखिनुको प्रभावका रुपमा पनि हेरिएको छ । अर्ली इलेक्सनमा जाँदा महाधिवेशन प्रभावित हुने नेताहरुको मानसिकताले पनि काम गरेको काँग्रेस वृत्तमै आशंका छ ।
तर, कुनै प्रपञ्च रचेर साउनमा पनि महाधिवेशन नगरिए काँग्रेसको हालत पनि नेकपाको जस्तै हुन सक्ने देखिन्छ । कांग्रेसमा लामो समयदेखी राजनैतिक यात्रामा दौडिएका कार्यकर्ताहरु क्रियासिल सदस्य नपाएपछि पार्टी परिवर्तन गर्ने सोचमा समेत पुगेको स्रोत बताउँछ । पार्टीमा भएको गुटको राजनैतिक र एकले अर्कोलाई राजनैतिक यात्राबाट पारगर्ने प्रविधी बाँकेमा निरन्तर बढिरहेको छ । भेगीय राजनैतिक देखी चरम गुटबन्दीका कारण कांग्रेसका नेताहरुमा लामो समयदेखी बोलीचाली समेत बन्द भएको स्रोत बताउँछ । जसका कारण कांग्रेसमा आवद्ध भएका साधारण कार्यकर्ताहरु चिन्तित देखिन्छन् ।