कोहलपुर/नेपाली कांग्रेसको १४ औँ महाधिवेशन नजिकिदै गर्दा कोहलपुरमा आन्तरिक तयारी बढेको छ । महाधिवेशन नजिकिदै गर्दा कांग्रेसमा लामो समयदेखी आवद्ध भएका कार्यकर्ताहरु असन्तुष्टी देखिएका छन् ।
कांग्रेसमा आवद्ध भएर विभिन्न आन्दोलन तथा चुनावी अभियानमा दौडधुप गरेका कार्यकर्ताहरुले क्रियाशिल सदस्य नपाएपछी उनीहरुमा नैराष्यता छाएको छ । क्रियाशिल सदस्यहरुले चुनावमा भाग लिन पाउने विद्यानमा उल्लेख भएका कारण बाँकेको कोहलपुरमा क्रियाशिलको किचलो कायमै रहेको छ । एकातर्फ चरम गुटबन्दीमा रुमलिएको नेपाली कांग्रेस तीन खेमामा बाँडिएको स्रोत बताउँछ । नेपाली कांग्रेसको क्रियासिल प्राप्त गर्नका लागी सम्वन्धीत वडाबाट पार्टी सभापतीको हस्ताक्षर भएको फार्म नगर, क्षेत्र हुँदै जिल्ला र अन्तिममा केन्द्र पुग्ने प्रावधान रहेको छ ।
तर कतिपय क्रियासिल फारमहरु नगर र क्षेत्रका जिम्मेवार व्यक्तिहरुले मनोमानी रुपमा फारम भरेको भन्दै नेपाली कांग्रेसको केन्द्र सम्म मुद्दा पुगेको छ । कोहलपुर नगरमा ३ खेमामा बाँडिएको गुट उपगुटले क्रियाशिल सदस्यहरु अलमलमा परेको नेपाली कांग्रेसमा लामो समयदेखी राजनैतिक यात्रा गरेका एक नेताले आफ्नो नाम गोप्य राखिदिने शर्तमा बताए ।

नेपाली कांग्रेस ट्रेड युनियनका जिल्ला अध्यक्ष समेत रहेका राम बहादुर मल्ल क्रियासिल सदस्यबाट बञ्चित भएका छन् । क्रियासिलको मापदण्ड विपरित व्यक्तिले चुनाव जित्ने दाउले वितरण भएको बताए । मल्ल नेपाल विद्यार्थी संघको कैलाली बहुमुखी क्याम्पसको स्ववियू सदस्य हुँदै कैलाली जिल्लाको नेपाल विद्यार्थी संघको जिल्ला कार्यसमितिको सदस्य रही बाँके जिल्लाको तरुण दलको जिल्ला सदस्य हुँदै टे«ड युनियनको जिल्ला अध्यक्षमा जिम्मेवारी समालेका छन् । साथै मल्लको भनाई अनुसार पार्टी प्रति चिन्ता नभएका नेताहरुको कारण क्रियासिल वितरण गर्नु गलत निर्णय भएको बताउँछन् ।

२०६२ सालदेखी राप्ती प्राविधिक शिक्षालयको विद्यार्थी कल्याण कोषको संयोजकबाट राजनैतिक यात्रा हुँदै नेपाल विद्यार्थी संघको जिल्ला सदस्य, टे«ड युनियको उपाध्यक्ष, कोहलपुर उद्योग वाणिज्य संघको सदस्य पदमा निर्वाचित भएका कोहलपुर ५ का यादवराज बस्यालले कुनैपनी गुटमा नहुँदा आफुले क्रियासिल नपाएको बताए । बस्यालका अनुसार म भन्दा राम्रो व्यक्तिलाई क्रियासिल दिएको विषयमा आफ्नो कुनै आपत्ती नभएको बताए । साथै बस्यालले आफुले लामो समयसम्म कांग्रेसको क्रियासिल नपाउनुको कारण सहित नेपाली कांग्रेस जिल्ला कार्यसमिती बाँके र केन्द्रमा समेत निबेदन दिएका छन् । हाल कोहलपुरमा कांग्रेस चर्चामा रहेका गुटहरुमा अगुवा नेता माधवराम खत्री, नारायण प्रसाद गौडेल, भानुभक्त भट्राईको फरक–फरक गुट रहेको बस्याल बताउँछन् ।

साथै कांग्रेसको क्रियासिल सदस्य नपाउने मध्ये अर्का पिडित कांग्रेसका कार्यकता हुन कोहलपुर नगरपालिका वडा नं. २ का नेपाल विद्यार्थी संघका पूर्व आमन्त्रित केन्द्रिय सदस्य कमल शाही ठकुरी रहेका छन् । २०६७ सालदेखी विद्यार्थी संघबाट राजनैतिक यात्रा शुरुवात गरेका थिए । शाहीको भनाई अनुसार व्यक्तिबादी हावी भएका कारण क्रियाशिल सदस्य छनौटमा आफु नपरेको बताउँछन् । शाही भन्छन् क्रियाशिल भनेको पार्टीका हरेक क्रियाकलापमा अग्र पंत्तीमा रहेर निरन्तर योगदान पुर्याएको व्यक्तिहरुले पाउनुपर्ने ठाँउमा एकैघरका श्रीमती, छोराछोरी, भाईहरुलाई वितरण गरि भर्ती केन्द्र बनाएको उनको आरोप छ । समग्र हिसाबले पार्टीको हितमा काम गरिरहेका व्यक्तिहरुलाई क्रियाशिल वितरण गरिनुपर्ने उनको सुझाब रहेको छ ।

क्रियासिल सदस्य नपाएर पीडा भोगिरहेका अर्का कार्यकर्ता हुन कोहलपुर नगरपालिका वडा २ का डम्बर वली । तरुणदलबाट राजनैतिक यात्रा शुरु गरेका वली पनि कुनैपनी गुटमा आवद्ध नभएका कारण आफुले क्रियासिल नपाएको गुनासो गरे । साथै उनले पार्टीमा लामो समयसम्म योगदान पु¥याएका २ दर्जन कार्यकर्ताहरुले क्रियासिल नपाएको बताए । कोहलपुर नगरपालिका वडा नं. २ मा भेला बस्दा ९९ थान क्रियासिल सदस्य गएको र त्यसलगत्तै ११० थान क्रियासिल सदस्य गएको र हाल सम्म १२५ क्रियासिल फारम वडामा आएको वली बताउँछन् । तर गुटका कारण कुनै पनि भेला या छलफलमा आफुहरुलाई जानकारी नदिई क्रियाशिल वितरण गरिएको गुनासो गर्दै युवा नेता पोषण केसीको लाइनमा भएको आरोप लगाउदै आफुलाई क्रियासिल नदिएको वली बताउँछन् । साथै उनले दश वर्ष विदेश बसेर आएका व्यक्तिहरु र पार्टीमा योगदान नभएका व्यक्तिहरुलाई गुटका कारण क्रियासिल वितरण गरेको आरोप लगाए । कोहलपुरमा हाल २ हजार बढि कांग्रेसमा आवद्ध क्रियासिल सदस्य रहेका छन् ।