कोहलपुर/नेपाली कांग्रेसमा चुनावी सरगर्मी बढेको छ । केन्द्रदेखि जिल्ला तहसम्म पार्टी सभापति लगायतका अन्य पदका विभिन्न आकांक्षीहरु बढेका छन् । नेपाली कांग्रेसमा सक्रिय सदस्यलाई बढी महत्वका साथ हेरिने भएकोले सक्रिय सदस्यताको टुङ्गोपछि मात्रै नेताहरुले उम्मेदवारी आधिकारीक रुपमा घोषणा गर्ने जानकारी दिएको भए पनि आन्तरिक तयारी तीव्र पारेको छ । बाँकेमा पनि आन्तरिक गठबन्धनको जोड घटाउ चलिरहेको छ । विशेष गरेर पार्टी सभापतिका पदका लागि कोहलपुर नगर कार्यसमितीका लागि तीव्र दौधधुप सुरु भैरहेको छ ।

बाँकेको कोहलपुरमा नेपाली कांग्रेसको क्रियाशित सदस्यको बिबाद मिलेपछी मात्रै उम्मेदवारी घोषणा गर्ने नेपाली कांग्रेस कोहलपुर नगरमा आवद्ध नेताहरुले जानकारी दिएका छन् ।
कोहलपुर नगरमा २ हजार बढि क्रियाशिल सदस्य आवद्ध रहेका छन् । कोहलपुर नगरमा पनि देउवा पक्ष र रामचन्द्र पौडेल समूहको आ–आफ्नो आन्तरिक तयारी तीव्र देखिएको छ । तर नेपाली कांग्रेस नगर कार्यसमितीका सचिव भूम बहादुर भण्डारीद्वारा सामाजिक सञ्जालबाट दिएको जानकारी अनुसार क्रियाशिल सदस्यता भरेका तर नवीकरण गरेका ४३, प्रक्रिया नपुगेर नवीकरण गरेका २३ जना, पार्टी छोडेका तर नविकरण गरेका ४ जना, वडाको नवीकरण सिफारिस बिना नबीकरण गरेका २० जना, नबीकरण शूल्क समेत नबुझाई भरिएका फारम ४७, मृत्यु भएका क्रियाशिल सदस्यहरुको नाममा नबीकरण भएका ९ जना, अर्काको नम्बर प्रयोग गरी नबीकरण भएका क्रियाशिल सदस्य ११ जना, अन्य पालिकाबाट फारम ल्याएर नबीकरण भएका ११ ,ठाँउसारी गरेर आएका तर नबीकरण इन्ट्री नभएका ३ जना, वडाबाट सिफारिस भई आएका तर इन्ट्री नभएका ४ गरी १ सय ७० जनाको क्रियाशिल छानबिन गर्नुपर्ने नगर कार्यसमिती बताउँछ ।

दुई खेमामा देखिएको कोहलपुर कांग्रेस १४ औँ महाधिवेशनको नतिजा कस्तो आउने हो यो विषय सबैको चासोको विषय बनेको छ । अघिल्ला अधिवेशनमा खासै चर्चा नभएका नेता कार्यकर्ताले १४औं महाधिवेशनमा कार्यकारी पदमा उम्मेदवारी दिने समेत तयारी थालेका छन् । कांग्रेस महाधिवेशनको खासै चर्चा नहुने कोहलपुर नगरपालिकामा यस पटक चुनावी सरगर्मी बढेको छ । देश भर एक पटक हुने वडा कार्यसमितीको अधिवेशन श्रावण ६ गते हुँदैछ भने नगर कार्यसमितीको अधिवेशन श्रावण ११ गते, १६ गते प्रदेश अधिवेशन, २० गते संघिय निर्वाचन, २० गते नै १ निर्वाचन क्षेत्र भएका जिल्लाहरुको अधिवेशन हुनेछ । त्यस्तै २४ गते एक भन्दा बढि निर्वाचन क्षेत्र हुने जिल्लाको अधिवेशन हुनेछ । भाद्र १ र २ गते प्रदेश समितीको अधिवेशन र भाद्र १६ गते देखी केन्द्रिय महाधिवेशनको कार्यतालिका नेपाली कांग्रेसले तय गरेको छ । कांग्रेसको १४ औँ महाधिवेशनको मिती तय भएता पनी कोहलपुर नगर क्षेत्रको क्रियाशिल सदस्यको बिबाद अझै टुङ्गो लाग्न सकेको छैन । वडा स्तरमा हुने अधिवेशनमा समेत निर्वाचन हुने लक्षण देखिन्छ ।

नगरसभापतीमा क–कस्को दाबेदार ?

नेपाली कांग्रेसको १३ औँ महाधिवेशनबाट बिजय भएका हालका पार्टी सभापती बलराम शर्मा सभापतीको पदमा दाबेदार नहुने बताए । पार्टी पक्तीलाई गतिशिल बनाउन र सबैसंग सहकार्य गरेर अगाडी बढ्नका लागि कार्यकाल नदो¥याउनका र कांग्रेस साथीभाईहरुलाई सहयोग गर्ने बताए ।

कांग्रेसको १४ औँ महाधिवेशनमा नगर सभापतीका लागि दाबेदार रहेका अर्का नेता हुन राजेन्द्र श्रेष्ठ । लामो समयदेखी सामाजिक सेवामा आवद्ध हुँदै राजनैतिक क्षेत्रमा आफ्नो पहिचान फरक बनाएका श्रेष्ठ पनि १४ औँ महाधिवेशनमा सभापतीको तयारी गरिरहेका छन् । कांग्रेसको १३ औँ महाधिवेशनमा सभापति पदमा उम्मेदारीबाट पराजय भएका श्रेष्ठ यसपटक क्रियासिल सदस्यहरुले आफ्नो पक्षमा सहयोग गर्ने विश्वास लिएका छन् । २०४२ सालदेखी राजनैतिक क्षेत्रमा आवद्ध भएर उद्योग वाणिज्य संघको अध्यक्ष समेतको जिम्मेवारी सम्हालेका श्रेष्ठ कोहलपुर गाविसमा अध्यक्ष पदमा उम्मेदवार भएको र नेपाल आदिबासी जनजाती संघ बाँकेको जिल्ला सभापतीमा रहेर काम गरिरहेका छन् । त्यस्तै नेपाली कांग्रेसको लामो राजनैतिक यात्रामा विभिन्न क्षेत्रमा आफ्नो योगदान रहेकाले पार्टीमा यस पटकको १४ औँ अधिवेशनमा सभापती पदमा उम्मेदवारी रहने भएकाले कुनै पनी हालतमा आफ्नो उम्मेदवारी फिर्ता नहुने बताएका छन् ।

१४ औँ महाधिवेशनमा सभापतीको उम्मेदवारीको तयारी गरिएका युवा नेता टेकनारायण भुषाल पनी यस पटक आफ्नो दाबेदारी रहने बताउँछन् । नेपाली कांग्रेसको राजनैतिक क्षेत्रमा उदाएका युवा नेता मध्ये एक हुन । सामाजिक सेवा संगै जनताको प्रिय पात्रको रुपमा रहेका भुषाल सम्पूर्ण साथीहरुको सहयोग भएमा नेपाली कांग्रेसलाईको सभापतीको नेतृत्व समाल्ने र युवाहरुलाई अगाडी बढाउन र पार्टी पक्तीलाई गतिशिल रुपमा अगाडी बढाउन सभापतीमा उम्मेदवारी रहने उनको भनाई रहेको छ ।

त्यस्तै नेपाल टे«ड युनियनको पूर्व जिल्ला अध्यक्ष, हाल टे«ड युनियन केन्द्रिय सदस्य समेत रहेका बिरेन्द्र कुमार शाह पनि १४ औँ महाधिवेशनमा सभापती पदको दाबेदार रहेको बताउँछन् । लामो समयदेखी राजनैतिक यात्रामा होमिएका शाह बागेश्वरी यातायात समितीका शेयर सदस्य समेत हुन । सामाजिक कार्य तथा पार्टी पक्तीलाई अगाडी बढाउन महत्वपूर्ण भूमिका निर्वाह गरेका कारण कोहलपुर कांग्रेसको नेतृत्व सम्हाल्नका लागि सभापती पदको दाबेदार रहेको बताउँछन् ।

त्यस्तै नेपाली कांग्रेस कोहलपुर नगर कार्यसमितीको १३ औँ महाधिवेशन पहिले सचिव पदमा रहेर काम गरिरहेका भूम बहादुर भण्डारीको चर्चा रहेको छ । भण्डारी शैक्षिक क्षेत्रमा राजनैतिक विषय लिएर स्नातकोत्तर तह अध्ययन गरेका नेता हुन । विद्यार्थी राजनैतिक क्षेत्रदेखी अगाडी बढेका उनी बाँके जिल्लामा भएका विभिन्न आन्दोलनको अगुवा हुँदै कोहलपुर नगरबाट कांग्रेसको १३ औँ महाधिवेशनमा सचिव पदमा बिजय भएका थिए । पार्टी भित्रको अराजकता र गुटको राजनितीलाई अन्त्य गर्दै बढ्दो भष्ट्रचार अनियमितता र जनतालाई सुशासनको प्रत्याभुती दिनका लागि आफ्नो भूमिका रहने भएकाले आफ्नो उम्मेदारी हुन सक्ने भण्डारीको नजिकको स्रोतले बताएको छ । साथै न्यूज नमस्तेको टेलिफोन सम्पर्कमा भण्डारीले अझैँ समय बाँकी रहेकाले आफुले निर्णय लिने विषयमा सोच्नुपर्ने बताए ।