कोहलपुर/बाँके जिल्लाका हरेक स्थानिय तहमा भष्ट्रचार मौलाउदै गएको छ । पछिल्लो समयमा स्थानिय तहका जनप्रतिनिधी, कर्मचारी र ठेकेदारहरुको मिलेमतोमा आर्थिक वर्ष २०७७।०७८ मा बिनियोजित गरिएका बजेट शीर्षक रकमहरु मनोमानी खर्च भएका छन् ।

बैजनाथ गाँउपालिका वडा नं. ३ अन्तर्गत पर्ने कारागार देखी प्लान स्कुल जाने बाटो स्तरउन्नत निर्माण उपभोक्ता समितीले करिब ५ लाखको बजेट हिनामिना भएको छ । उपभोक्ता समितीमा रहेका अध्यक्ष राम कुमार विश्वकर्मा, वडा नं. ३ का सचिव रमेश पौडेलको मिलेमतोमा ५ लाख रकमको काम भएको सोही वडाका एक स्थानिय बासीले नाम नबताउने सर्तमा बताए ।

उक्त योजना सम्झौतामा ४ सय ५४ मिटर बाटो निर्माण गर्नुपर्ने, होम पाइप ३ वटा राख्नुपर्नुे, नाला कटान, ग्राभेल राख्नुपर्ने योजनाको कुल खर्च ५ लाखमा सिमित रहने भएको हुँदा बाँकी रकम ५ लाख कहाँ गयो भनि स्थानियको प्रश्न रहेको छ । पछिल्लो समयमा उपभोक्ता समिती गठन गर्ने, ठेकेदार र सोही वडाका कर्मचारीहरुको मिलेमतोमा योजना हत्याउने कार्य कोहलपुर नगरपालिका र बैजनाथ गाँउपालिकाका वडाहरुमा भएको पाइएको छ । उक्त योजनालाई बैजनाथ गाँउपालिकाले पावरको भरमा भुक्तानी दिएको छ । योजनाको अनुगमन समितीका गोपिलाल बैगारका अनुसार प्राविधिक स्टेमेट अनुसार काम नभएको र उपभोक्ता समितीले स्टमेट नै नदेखाएको बताए ।

उपभोक्ता समितीका अध्यक्ष राम कुमार विश्वकर्माका अनुसार ४ सय ५४ मिटर लामो सडक स्तरउन्नत गर्ने बजेट १० लाख बिनियोजित भएको र बराह कन्ट्रक्सनलाई काम दिएको बताए । स्थानियका अनुसार उक्त उपभोक्ता समितीका अध्यक्ष राम कुमार विश्वकर्माले नै ५ लाख रुपैँया झ्वाम पारेको स्थानीयहरुको आरोप छ । बराह कन्ट्रक्सन कर्मचारी राजु रुचालले उक्त योजनाको काम लिएको उपभोक्ता समितीका अध्यक्षको भनाई रहेको छ । रुचाल बैजनाथ गाँउपालिका अध्यक्ष मान बहादुर रुचालका भाई हुन । उता उपभोक्ता समितीकी कोषाअध्यक्ष लक्ष्मी कामीका अनुसार आफुलाई उक्त योजनाको हिसाब किताब कुनै जानकारी नभएको बताएकी छिन् । बराह कन्ट्रक्सन कम्पनीका कर्मचारी राजु रुचालले स्टमेट अनुसार काम गरेको टेलिफोन सम्पर्क बताए ।

अख्तियारमा समेत उजुरी

बैजनाथ गाँउपालिका वडा नं. ३ मा आर्थिक वर्ष २०७७।०७८ मा बिनियोजित बजेट दुरुपयोग भएको भन्दै अख्तियार दुरुपयोग तथा अनुसन्धान आयोगमा समेत उजुरी परेको छ । कारागार देखी प्लान स्कुल जाने बाटो स्तर उन्नत निर्माण उपभोक्ता समितीले चरम आर्थिक घोटला गरेको र योजना कार्य सम्पन्न प्रभावकारी नभएको भन्दै उक्त क्षेत्रका बासिन्दाहरुले अख्तियारको कार्यालयको ढोकामा समेत पुगेका छन् । निर्माण उपभोक्ता समितीका पदाधिकारी र जनप्रतिनिधी र कर्मचारीहरुको मिलमतोमा बिलभरपाईमा सम्पन्न हुने योजना छानविन गरी कारवाहीका लागि सम्वन्धीत निकाय धाउनेहरुको संख्या बाँकेमा दिनप्रतिदिन बढ्दो क्रममा रहेको छ ।

कुनै पनि योजना आउँदा सबै स्थानीयलाई जानकारी हुनुपर्छ । उपभोत्ता समिति गठनका लागि पनि सबै स्थानीयको सहभागिता अनिवार्य हुनुपर्छ । छलफलबाट जसलाई सहमति जनाए उसलाई उपभोत्ता समितिमा चयन गर्नुपर्छ । भने एक पटक उपभोक्ता समितिमा बसिसकेको मान्छे, कुनै सार्वजानिक पदमा बसेको व्यक्ति (शिक्षक,जनप्रतिनिधि,कुनै संघसंस्था संग आबद्ध एकै परिवारका दुई सदस्यं) उपभोत्ता समितिमा बस्न नपाउने समेत कानुनी व्यवस्था छ । तर कोहलपुर नगरपालिका र बैजनाथ गाँउपालिकामा ऐन कानुन नियम बिपरित कार्यहरु हुँदै आएको पाइएको छ ।

पहुँचवाला व्यक्तिकै भरमा बैजनाथ गाँउपालिका वडा नं. ३ का कर्मचारी र जनप्रतिनिधीहरुको मनपरी चलेको छ । गाउँमा आएका योजना नागरिकले थाहा नपाई रातारात उपभोत्ता समिति गठन गरेको समेत पाईएको छ । समिति गठन देखि रकम भुक्तानी र स्थानीयलाई ज्याला वितरणमा समेत उपभोक्ता समितिको मनपरी चलेको छ । दलित महिला बेरोजगार यूवालाई उपभोक्ता समितिमा प्रथामिकता दिनु पर्ने भएपनि दलित भित्रकै टाठाँबाठा र समाजका अगुवाई गर्ने व्यक्तिनै उपभोक्ता समिति बसेर मनपरी गरिरहेको पाइएको छ