काेहलपुर/ रातको समयमा शान्ति सुरक्षा अमनचयन कायम, अपराध रोकथाम तथा अपराधिक क्रियाकलापहरुको न्यूनिकरण एवम नियन्त्रण गर्ने उद्देश्यकासाथ कोहलपुर प्रहरीले ‘द नाइटमेयर क्राइम अप्रेशन’ (The Nightmare Crime Operation) को सक्रियरुपमा सुरुवात गरेको छ ।

रातको समयको मौका छोपि गरिने अबैध चोरिनिकासि, गुण्डागर्दि, लुटपाट तथा अन्य अपराधिक कार्यहरुलाई रोकथाम तथा नियन्त्रण गर्नुका साथै अपराधिक गतिबिधिको सूचना संकलन गर्नु समेत यस अप्रेसनको मुख्य उद्देश्य रहेको ईलाका प्रहरी कार्यालयका डिएसपी रविन्द्र खनालले जनाएका छन् ।

द नाइटमेयर क्राइम अप्रेशनमा हिजो राती १० बजे देखी शुरु भएकाे हाे । अप्रेशनकाे शुरुवातमा बिनाकारण संकास्पद अबस्थामा हिडडुल गर्ने १ महिला र २६ पुरुष गरि जम्मा २७ जना मानिसहरुलाई नियन्त्रणमा लिई आवश्यक सोधपुछ तथा अनुसन्धान भईरहेको र विनाकारण हिडडुल नगर्न समेत ईलाका प्रहरी कार्यालय कोहलपुरले जनाएकाे छ ।

साथै कोभिड-१९ को दोस्रो लहर पुर्णरुपमा नियन्त्रणमा नआईसकेको वर्तमान परिस्थितिलाई समेत मध्यनजर राखि यो कार्यक्रम लागु गरेको र काेराेना भाइरसलाइ राेकथामका निमित्त यस अघि विभिन्न कार्यक्रमहरु गरिएकाे प्रहरीले जनाएको छ ।