पाटे बाघको छाला सहित दुई पक्राउ (भिडियाे सहित)
विशेष सूचनाको आधारमा पक्राउ गरिएको – डिएसपी खनाल

कोहलपुर/ कोहलपुर ईलाका प्रहरी कार्यालयको आज दुई वटा पाटे बाघको छाला सहित दुई जनालाई पक्राउ गरेको छ ।
जिल्ला अछाम मेललेख गाउँपालिका वडा नं ३ का डम्बर बुढा र रामरोसन गाउँपालिका वडा नं ५ का नन्दु बुढालाई आज बाँके बैजानाथ गाउँपालिका तिलकपुरबाट प्रक्राउ गरेको हो ।
विशेष सूचनाको आधारमा झोला खानतालसी गर्दा दुई वटा पाटे बाघको छाला सहित पक्राउ गरिएको कुरा डिएपी रविन्द्र खनालले बताउनुभएको छ । साथै उहाँले सूचना आउनासाथ बैजानाथ गाउँपालिकाको सम्भावित स्थानमा प्रहरी खटाइएको कारण पाटे बाघको छाला बरामद गर्न सफल रहेको बताउनुभयो ।
प्रहरीले बरामद गरेको दुइ वटा पाटे बाघको छाला करिब ६ फिट ३ इन्च लम्बाई रहेको छ । साथै बाघको छाला र पक्राउ परेका दुइ जनालाई थप अनुसन्धानका लागि जिल्ला वन कार्यालय बाँकेमा बुझाउने डिएसपी खनालले न्यूज नमस्तेलाई बताउनुभएको छ ।
प्रतिक्रिया दिनुहोस्