काठमाडौं / आइबोस ग्लोबल लाइफ इन्टरनेशनलले आज पहिलो बार्षिक उत्सब मनाएको छ । कोभिड १९ को महामारीलाई मध्यनजर गर्दै कम्पनीले आज जुम कार्यक्रम बीच बार्षिक उत्सव समारोह सम्पन्न गरेको छ ।

जुम समारोहमा कम्पनीका उपाध्यक्ष एवं पूर्व एआइजीपी हेमन्त पालले देशैभरमा रहेको ग्राहक, वितरक, कम्पनीका पदाधिकारी, प्रदेश प्रमुख लगाएत सम्पूर्णमा बार्षिक उत्सवको अवसरमा शुभकामना व्यक्त गर्नुभएको छ । साथै कम्पनीका सिइओ राजकुमार दंगालले पहिलो बार्षिक आर्थिक प्रगति प्रतिवेदन पेश गर्नुभएको थियो । दंगालले कम्पनीको आगामी बर्षको लक्ष्य, उद्देश्य र प्रगति बारेमा चर्चा गर्नुभएको कुरा कम्पनीका सुदुरपश्चिम प्रदेश प्रमुख नमराज जैसीले जानकारी दिनुभएको छ ।

नेपाल सरकारबाट आइबोस ग्लोबल लाइफ इन्टरनेशनलले बस्तुको प्रत्यक्ष विक्री सम्बन्धि पहिलो नम्बरमा इजाजत प्राप्त गर्न सफल रहेको हो । ंनेपाल सरकारको बस्तुको प्रत्यक्ष, विक्री, नियमन तथा व्यवस्थापन ऐन २०७४ तथा बस्तुको प्रत्यक्ष विक्री, नियमन तथा व्यवस्थापन नियमन गर्ने नियावली २०७६ को मातहतमा रही २०७७ साल असार १६ गते इजाजत प्राप्त गरेको कर्णाली प्रदेश प्रमुख सुरेश गौतमले जानकारी दिनुभएको छ ।

ग्रीन बुटी ब्राण्डमा उत्पादित स्वास्थ्य, सौन्दर्यका विभिन्न किसिमका सामाग्रीहरु बजारीकरण गर्दै आइरहेको यस देशमा आधिकारीक रुपमा सातै वटा प्रदेशमा प्रारदेशीक कार्यालयहरु छन् भने बाँकी विक्री केन्द्रहरु देशैभरमा १२२ वटा रहेका छन् ।

बार्षिक उत्सवको अवसरमा कम्पनीले आफ्नो वेभसाइटमा सम्पूर्ण ग्राहकहरुमा कुनै पनि सामान खरिदमा ५ प्रतिशत क्यासब्याकको योजना सार्वजनिक गरेको छ ।