बांके/ बाँकेमा सार्वजनिक यातायातका सवारीसाधन ‘ जोर–विजोर’ नम्बर प्रणालीबाट चल्न पाउने गरी एक हप्ता निषेधाज्ञा थप गरेको जिल्ला प्रशासन कार्यालय बाँकेले जनाएको छ ।

मास्क, भाैतिक दुरी लगायत स्वास्थ्यका मापदण्ड अनिवार्य पालना गरि पसल व्यवसाय विहान ९ बजेदेखि ४ बजेसम्म खोल्न दिने निर्णय गरेकाे छ ।

काेराेनाकाे संक्रमणकाे दर कम भए पनि जिल्ला प्रशासन बांकेले जेठ २१ गते सम्मका लागि निषधेज्ञा लागू हुने गरि भिडभाड हुने क्षेत्र जस्तै विद्यालय, कलेज, सिनेमा हल , पार्क, सेमिनार, गोष्ठि, भेला, र्याली, प्रदर्शन लगायतलाई सञ्चालनमा राेक लगाएकाे छ ।

दोस्रो लहरको कोभिड–१९ को संक्रमण बढेपछि वैशाख ९ गतेदेखि नेपालगन्जमा र वैशाख १३ गतेदेखि बाँके जिल्लाभरी निषेधाज्ञा जारी गरिएको थियो ।
(जिल्ला प्रशासन बांकेबाट जारी आदेश)