काेहलपुर/ काेहलपुर नगरसभाबाट प्रस्तुत बजेटको नेपाली काँग्रेसबाट निर्वाचित जनप्रतिनिधिहरुले बिरोध गरेका छन् ।

असंवैधानिक रुपमा ल्याइएको बजेट मान्य नभएको भन्दै नेपाली काँग्रेसबाट निर्वाचित जनप्रतिनिधिहरुले प्रमुख प्रशासकीय अधिकृतको कार्यकक्षमा र लेखा शाखामा ताला लगाएका हुन् ।

बहुमतको दम्भ देखाएर कानुन, प्रक्रिया , विधि र शासन बिपरित कार्यपालिका सदस्यबाट बजेट प्रस्तुत गरिएको भन्दै बिरोध गदै आएका छन् ।

नगरसभाको बैधानिकता नसच्चाए सम्म आफुहरुले बिरोध गर्ने नेपाल तरुणदल कोहलपुर नगरसभापति हरि सिह कठायतले बताउनुभयो । नवौ नगरसभा सम्म आइपुग्दा भष्टाचार गर्ने नितिगत रुपमा बैधानिक प्रक्रीयालाई मिचेर नगरसभा सम्पन्न गर्ने कार्य गरियो त्यसमा बिरुद्धमा नेपाली कांग्रेस मात्र नभएर कोहलपुर नगरपालिकाका जनताहरु समेत हारेको सभापति कठायतले बताउनुभयो ।

कोहलपुर नगरपालिकाले डि पि आर का नाममा भष्टाचार गरिरहेको बताउनुभयो । बिधि प्रक्रीया र कानुन मिचेर उपप्रमुख हुदा हुदै प्रक्रीया पालना नगरेर अबैधानिक रुपमा बजेट प्रस्तुत गर्ने कार्य गरेको र यो नसच्चाए सम्म नेपाली कांग्रेसले सशक्तरुपमा आन्दोलन गर्ने बताउनुभयो ।

बिधि र प्रक्रीया बमोजिम बजेट प्रस्तुत गरिनुपर्ने सर्प दंशको ब्यबस्था गरिनुपर्ने, छाडा पशु चौपायाको ब्यबस्थापन गरिनुपर्ने, आर्थिक अनियमिता अन्त्य गरिनुपर्ने, सुशासन कायम लगायतका नारा लगाउदै नेपाली कांग्रेसको भातृ संगठन नेपाल तरुणदलले बिरोध गरेको थियो ।