बांके / ३४ औ अन्तर्राष्ट्रिय लागू औषध तथा अवैध तस्करी विरुद्ध दिवसकाे अवसरमा आज काेहलपुरमा अनुशिक्षण कार्यक्रम सम्पन्न भएकाे छ ।

कार्यक्रममा काेहलपुर नगरपालिकाकाे प्रमूख प्रशासकिय अधिकृत अन्नत कुमार पाैडेलले प्रमुख अतिथिका रुपमा सम्बाेधन गर्नुभएको थियाे ।

अधिकृत पाैडेलले लागू औषध दुर्व्यसनिमा ठुलाे संख्यामा युवाहरु फसेकाे चिन्ता व्यक्त गर्नुभयाे । उहाले यस्ता विकृति विसंगति नियन्त्रण गर्न घर देखि विद्यालयतहमा नै सचेतना कार्यक्रम संचालन गरिने र यस काेहलपुर नगरपालिकामा लागू औषध सेवन तथा विक्रि वितरणमा पुरै राेक लगाउन नगरपालिका तत्पर रहने कुरा विश्वस्त हुन बताउनुभयाे ।

कार्यक्रममा लागू औषध नियन्त्रण व्युराेका प्रतिनिधि पवन मल्लले प्रशिक्षणका साथै राेकथाम, न्युनिकरणका विषयमा स्पष्ट पार्नुभएकाे छ ।
समाज सुधार कार्यक्रम नेपालकाे आर्थिक सहयाेगमा र काेहलपुर नगरपालिका सामाजिक विकास शाखाकाे आयाेजनामा सम्पन्न भएकाे कुरा समाज सुधारका अध्यक्ष शंकर न्याैपानेले न्यूज नमस्तेलाई बताउनुभएकाे छ ।

कार्यक्रममा लागू औषध नियन्त्रण व्युराेका प्रतिनिधि, सामुदायिक प्रहरी सेवा, सामाज सेवा संस्था,  स्थानिय किशाेरी, बाल, युवा क्लबहरुका प्रतिनिधिहरु, आमा समूह, सराेकारवाला निकायका प्रतिनिधिहरु, नागरिक अगुवा, साहारा हाउसका प्रतिनिधिहरु लगायतकाे उपस्थिति रहेकाे थियाे ।

किन मनाईन्छ याे दिवस

दिवस मनाउने बारेमा संयूक्तराष्ट्रसंघको सन् १९८७ को घोषणापत्रको ४२ को ११२ खण्डमा उल्लेख गरिएको रहेछ । यस दिनको एउटा मात्र उद्देश्य भनेको विश्व समुदायलाई लागुऔषधको असर र कारोवारवाट मुक्त गराउनु हो ।

विश्वमा अधिकांश लागुऔषधका प्रयोगकर्ता अनि कारोवारीहरु यूवा नै छन् किनभने यो उमेरमा मान्छेहरु अत्यन्त जोखिम अनि तरल अवस्थामा हुने गर्दछन् भनेर मनोविज्ञहरुले बताँउदछन् ।

अझ थोरै समयमा धेरै पैसो कमाउने लालसा अनि नशाको लतले त झन यूवाहरुलाई जोखिमको घेरामा राखिरहेको पाइन्छ ।

विश्वमा गएको शताव्दीवाट लागुऔषधको कारोवारको गुणा धेरै बढेको पाइन्छ, लागुऔषधको असन्तुलीत प्रयोगले मात्र विश्वमा हरेक वर्ष १९०००० मान्छे मर्ने गर्दछन् भने यसको प्रयोग गर्ने मान्छेहरुको सख्या यकिन गर्न सक्ने अवस्थामै छैन् ।