बाँके । अनौपचारिक क्षेत्र सेवा केन्द्र (इन्सेक) लुम्बिनी प्रदेश कार्यालय नेपालगन्जको आयोजना र डिसिए , सिभिल सोसाईटि डेप्लोमेन्टको सहयोगमा जेठ ११ गते मानव अधिकार सहायता कक्ष नेपालगन्जका सदस्यहरुलाई स्वास्थ्य सामाग्री हस्तान्तरण गरीएको छ ।

सदस्यहरुलाई लुम्बिनी प्रदेश कार्यालयका प्रमुख भोला महतले थर्ममिटर, मास्क,सेनिटाईजर लगायतका स्वास्थ्य सामाग्रीहरु हस्तान्तरण गर्नुभएको छ ।

स्वास्थ्य सामाग्री हस्तान्तरण गर्दै इन्सेक प्रदेश प्रमुख भोला महतले कोरोना भाईरसको रोकथाम तथा नियन्त्रणमा ईन्सेकबाट प्राप्त स्वास्थ्य सामाग्रीले ठुलो सहयोग पुग्ने बताउदै मानवअधिकार सहायता कक्षलाई निरन्तरता दिनको लागि सबैको सहयोगको आवश्यकता रहेको बताउनुभयो ।

स्वास्थ्य सामाग्री हस्तान्तरण कार्यक्रममा बोल्दै नेपाल पत्रकार महासंगको अध्यक्ष दामोदर भण्डारीले अहिलेको समयमा पत्रकारहरुबाट नागरिकहरु पिडित भएको बताउदै पत्रकारहरुबाट हुने साईबर अपराध रोक्नको लागि आफु अगाडि बढेको बताउनुभयो ।

नेपाल बार एशोसीएसनका उपाध्यक्ष सुनिल कुमार श्रेष्ठले व्यत्तिले गरेको अपराधलाई समाजसंग जोडन नहुने बताउँदै व्यत्तिलाई व्यत्तिगत रुपमा सजाय दिनको लागि पहल गर्न आवश्यक रहेको बताउनुभयो ।