काठमाडौं । बर्दियाको एक नगरपालिका सँग सीमाना जोडिएका सबै सीमा नाका बन्द गरिएको छ । जिल्लाको मधुवन नगरपालिकासँग सीमाना जोडिएका सम्पूर्ण खुला सीमा बन्द गरिने भएको छ ।

नगरपालिकाको आज बसेको सर्वदलीय एवं सर्वपक्षीय बैठकले भारतसँग जोडिएका सबै सीमा बन्द गर्ने निर्णय गरेको हो । कोरोना भाइरसको महामारीका बीच पनि भारतका विभिन्न स्थानबाट नेपाल भित्रिने मानिसहरुको संख्यामा कमी नआएपछि नगरपालिकाले सबै नाका बन्द गर्ने निर्णय गरेको नगरपालिकाले बताएको छ ।

नगरपालिका भित्र कसैलाई कोरोना संक्रमण देखिएमा जिल्ला समन्वय समितिको भवनमा निर्माण गरिएको आइसोलेशनमा राखेर उपचार गरिने बताइएको छ । संक्रमित संख्या बढ्दै गएको खण्डमा नगरपालिका भित्रै आइसोलेसन वार्ड निर्माण गरेर उपचार गरिने बताइएको छ ।