काठमाडौं । नेपाल–भारत सीमानामा नेपाल र भारतीय नागरिक बीच झडप भएको छ । सर्लाहीको विष्णु गाउँपालिका– पकडीस्थित दशगजा क्षेत्रमा कार्यरत सशस्त्र प्रहरी र भारतीय नागरिक बीच आपसमा झडप भएको छ । झडपमा मानवीय क्षति भने भएको छैन ।

भारतीय नागरिकको ३०÷४० जनाको एक समूह जबर्जस्ती नेपाल प्रवेश गर्न खोजेपछि सशस्त्र प्रहरीले हवाइ फाइर समेत गरेको छ । भारतीय नागरिकले त्यहाँ कार्यरत सशस्त्र प्रहरीको हतियार खोस्न थालेपछि हवाइ फायर गरिएको बताइएको छ ।

सशस्त्र प्रहरीको हवाइ फायरपछि भारतीय नागरिक तितरवितर भएका थिए । अहिले सो क्षेत्र शान्त रहेको छ । सशस्त्र प्रहरीको व्यापक टोली त्यहाँ खटाइएको छ ।