काठमाडौं । आज बसेको प्रतिपक्ष दल नेपाली काङग्रेसको केन्द्रिय कार्यसमितिको बैठकले संविधान संशोधनको पक्षमा मत पेश गर्ने निर्णय गरेको छ ।

पार्टी कार्यालय सानेपामा जारी बैठकमा पेश गरिएको प्रस्तावमा भनिएको छ, ‘कालापानी, लिपुलेक र लिम्पियाधुराको भूभाग समावेश गरी सरकारले सार्वजनिक गरेको नक्सा र संविधानको धारा ९ को उपधारा २ सँग सम्बन्धित अनुसूची ३ मा संशोधन गर्न संसदमा प्रस्तुत हुने प्रस्तावको पक्षमा मतदान गर्न संसदीय दललाई निर्देशन गर्दछ ।’

सरकारले जारी गरेको राजनीतिक तथा प्रशासनिक नक्साअनुसार निशान छाप परिवर्तनका गर्न संविधान संशोधनका लागि गत शुक्रबार संसदमा संविधान संशोधन विधेयक दर्ता गरेको थियो ।