दाङ । तुलसीपुरमा २८ वर्षीय एक युवकको हत्या गरिएको छ । तुलसीपुर उपमहानगरपालिका– ९ मैनामगर निवासी मन्दिप भुजेलको गएराति हत्या भएको हो ।

इलाका प्रहरी कार्यालय तुलसीपुरका प्रहरी प्रवक्ता तथा प्रहरी निरीक्षक चक्र डम्बरपालका अनुसार अटोभिलेजदेखि करिब डेढ सय मिटर उत्तरतर्फ ज्ञानज्योति आधारभुत विद्यालयको भवन पछाडी भुजेलको आज बिहान शव फेला परेको हो ।

युवक मृत अवस्थामा फेला परेको दखेपछि त्यहाँका स्थानीयले प्रहरीलाई खबर गरेका थिए । घटना स्थलमा पुगेको प्रहरीले आवश्यक अनुसन्धान थालेको छ ।