धनुषा । धनुषाको जटहीस्थित नेपाल भारत सीमामा मृत्यु भएका युवाको कोरोना परीक्षण रिपोर्ट नेगेटिभ आएको छ । गत बुधवार भारतको गुजरातस्थित सूरतबाट नेपाल आउँदा सीमानाकामा नै उनको मृत्यु भएको थियो ।

धनुषाका प्रमुख जिल्ला अधिकारी कोशहरि निरौलाका अनुसार मृतक यादवको स्वाब परीक्षण गर्दा कोरोना नेगेटिभ आएको हो । भोक र ज्वरोका कारण समयमा नै अस्पताल नलग्दा उनको सीमानाका जटहीको सडकमा नै मृत्यु भएको थियो । उनको पोस्टमार्टम रिपोर्ट भने आउन बाँकी रहेको छ ।