काठमाडौं । डडेल्धुराको एक नगरपालिकाका वडा अध्यक्षमाथि सरकारी कर्मचारीबाटै हातपात भएको छ । जिल्लाको अमरगढी नगरपालिका–१० का वडाध्यक्ष विष्णु भट्टमाथि सरकारी कर्मचारीबाट हातपात भएको हो ।

बुडाली घर भएका र हाल घरेलु विकास कार्यालय डडेल्धुरामा कार्यरत जोगराज ऐरले मदिरा सेवन गरेर वडा अध्यक्ष माथि हातपात गरेको प्रहरीले जनाएको छ । भारतबाट आएका केही व्यक्तिहरुलाई क्वारेन्टाइनमा राख्दै गरेको अवस्थामा वडा अध्यक्ष माथि हातपात भएको थियो ।

कोरोनाको जोखिम मोलिरहेको छिमेकी देश भारतबाट आएकाहरुलाई क्वारेन्टाइनका लागि ठाउँ नभएकाले रेडक्रसको भवनमा व्यवस्थापन गरिरहेको समयमा ती सरकारी कर्मचारीले गालीगलौच गर्दै आफूमाथि हातपात गरेको अध्यक्ष भट्टको दाबी छ ।