काठमाण्डौ। सरकारले सुरक्षाकर्मीको पोशाक र जुत्ता स्वदेशमै उत्पादन गर्ने प्रतिबद्धता जनाएको छ ।

आर्थिक वर्ष २०७७/७८ को बजेट वाचन गर्दै अर्थमन्त्री युवराज खतिवडाले सुरक्षाकर्मीहरूको जुत्ता र पोशाक स्वदेशमै उत्पादन हुने गरी बजेट विनियोजन गरिएको बताए । ‘राज्यकोषबाट खर्च बेहोर्ने सुरक्षाकर्मीका लागि पोशाक र जुत्ता स्वदेशमै उत्पादन गर्ने व्यवस्था गरिनेछ,’ उनले भने । यसका साथै उनले सबै प्रदेशमा औद्योगिक क्षेत्र निर्माण गर्न र स्थानीय तहमा औद्योगिकग्राम स्थापना गर्न २ अर्ब ६४ करोड छुट्याइएको बताए ।