काठमाडौं । आज दिउँसो २ बजे मन्त्रिपरिषद बैठक बस्दै छ । प्रधानमन्त्रीका प्रेस सल्लाहकार सूर्य थापाका अनुुसार आज दिउँसो २ बजे बैठक बोलाइएको छ । सरकारले आज सार्वजनिक गर्न लागेको आगामी वर्षको बजेटका सम्बन्धमा अर्थमन्त्री डा. युवराज खतिवडासँग बजेटका विषयमा जानकारी लिन बैठक बस्दै छ ।

आज दिउँसो ४ बजे संघीय संसदको संयुक्त बैठकमा अर्थमन्त्रीले आगामी वर्षका लागि बजेट प्रस्तुत गर्ने कार्यक्रम छ । संसदमा बजेट प्रस्तुत गर्नुअघि मन्त्रिरिषदबाट स्विकृति लिनुपर्ने प्रावधान छ । सोही प्रावधान अनुसार आजको मन्त्रिपरिषद बैठक बोलाइएको हो ।