भक्तपुर । नेपाल स्काउट जिल्ला समिति भक्तपुरका स्काउट लिडरहरु भक्तपुरको प्रसिद्ध पाँंचतल्ले मन्दिरको जिर्णाेद्धारमा जुटका छन् । मन्दिर पुननिर्माणको क्रममा जनश्रमदानमा उनीहरु जुटेका हुन् । लकडाउनदेखि प्रत्येक दिन जनचेतनामूलक काममा लाग्दै आएका उनीहरु बुधबार दिनभर पाँचतल्ले मन्दिरको जिर्णाेद्धारमा खटिएका हुन् ।

पाँंचतल्ले मन्दिरको जिर्णाेद्धार कार्य अहिले लकडाउनको अवधिमा पनि धमाधम भइरहेको छ । नगरबासीहरुसँंग जनश्रमदान माग्दै अहिले दैनिक त्यहा काम भइरहेका छन् । अहिले त्यहाँं पाँंचतल्ले मन्दिरको छाना छाउने काम भइरहेको छ । परम्परा जस्तै झिंगटी इटाले त्यहाँं छाना छाउने काम भइरहेको हो । त्यसका लागि माटो मुछ्ने र त्यसलाई लाइनमा वसी माथि छानासम्म माटो पुयाउने काम अहिले भइरहेको छ । यही काममा स्काउटका लिडरहरु लागिपरेको नेपाल स्काउट जिल्ला समिति भक्तपुरका प्रमुख आयुक्त कर्माचार्यले बताए ।
भक्तपुरको पाँंचतल्ले मन्दिरको पुननिर्माण लकडाउनको सुरुवातदेखि वन्द भएको थियो । तर पछिल्लो दस दिन अघिदेखि काम सुरु भएको थियो । नगरबासी दाजुभाइ तथा दिदीबहिनीहरुको जनश्रमदानबाट अहिले पनि मन्दिरको पुननिर्माण कार्य भइरहेको छ । मन्दिरको पुननिर्माण यही आर्थिक वर्षभित्र सकाउने योजना राखिएको छ ।