धादिङ । धादिङको धुनिबेंशी नगरपालिकामा रहेको नोभा जेनेटिकका औषधि उद्योगमा आगलागी भएको छ । बुधबार दिउँसो करिब १२ बजे धुनिबेंसी नगरपालिका ८ खानीखोलास्थित औषधी उद्योगमा आगलागी भएको हो।

स्यानिटाइजर बनाउन प्रयोग हुने स्प्रिट ट्यांकरबाट खनाउने क्रममा आगलागी भएको इलाका प्रहरी कार्यालय खानीखोलाले जनाएको छ ।

नगरपालिकाको दमकल, इलाका प्रहरी कार्यलय खानीखोलाबाट खटिएका प्रहरी लगायत काठमाडौबाट २ वटा दम्कल गएर आगालाई नियन्त्रणमा लिइएको छ । आगलागीमा क्षति कति भयो र कसरी भयो भन्ने बारेमा अनुसन्धान भइरहेको प्रहरीले जानकारी दिएका छन् ।