काठमाडौं । प्रतिनिधि सभाको कार्यसूचीबाटै संविधान संशोधनसम्बन्धी विधेयक हटाइएको छ ।

संसद सचिवालयले प्रकाशित गरेको सम्भावित कार्यसूचीमा संविधान संशोधनसम्बन्धी विधेयक पेस गर्ने उल्लेख गरिएको थियो । आजको कार्यसूचीबाट नेपालको संविधान (दोस्रो संशोधन) विधेयक हटाइएको बताइएको छ । संसद सचिवालयले यसअघि प्रकाशित गरेको सम्भावित कार्यसूचीमा कानुन मन्त्री डा। शिवमाया तुम्बाहाङ्फेले ‘नेपालको संविधान दोस्रो संशोधन विधेयक २०७७’ पेश गर्ने उल्लेख गरिएको थियो ।

संशोधन विधेयक पारित गर्नका लागि सरकारले सबै दललाई सहमतिमा ल्याउने तयारी गरेको थियो । प्रतिपक्ष दल काङ्ग्रेसले संविधान संशोधनमा सहमति जनाए पनि मधेशवादी दलले प्याकेजमा संशोधन गर्ने सुझाव दिएका थिए ।