बागलुङ । बागलुङ जिल्लाका थप ६ जनामा कोरोना संक्रमण पुष्टि भएको छ । बागलुङको बडिगाड गाउँपालिकाका २ जना र तमानखोलाका ४ जनालाई कोरोना संक्रमण पुष्टि भएको गण्डकी प्रदेश कोरोना नियन्त्रण तथा रोकथाम कार्यक्रमका प्रवक्ता डा. बिनोद बिन्दु शर्माले जानकारी दिए ।
प्रवक्ता शर्माले बडिगाड गाउँपालिकाको क्वारेन्टाइमा रहेका १९ र २० वर्षका २ जना पुरुषमा र तमानखोला गाउँपालिकाको क्वारेन्टाइनमा रहेका २१, २७, २७ र २१ वर्षका ४ जना पुरुषलाई कोरोना संक्रमण पुष्टि भएको जानकारी दिए ।

उनीहरु केहि दिन पहिले भारतदेखि आएर तमानखोला गाउँपालिकाको धनगौ ज्योती मावि क्वारेन्टाइनमा र बडिगाड गाउँपालिकाको त्रिभूवन मावि क्वारेन्टाइनमा बसेका थिए ।

संक्रमण पुष्टि भएपछि उनीहरुलाई बागलुङ बजारमा रहेको धौलागिरी अस्पताल बागलुङको आईसोलेशनमा पठाउने कार्य भएको विज्ञप्तिमा उल्लेख गरीएको छ ।