काठमाडौं ।  नेपालको नयाँ नक्सा समेटिएको लोगो संघीय संसदको दुवै सदनमा राखिएको छ ।

राष्ट्रियसभा र प्रतिनिधिसभा दुवैको पोडियममा नयाँ लोगो राखिएको संसद सचिवालयका सह-प्रवक्ता दशरथ धमलाले जानकारी दिए ।

सोमबार बसेको राष्ट्रियसभा र प्रतिनिधिसभाको कार्यव्यवस्था परामर्श समिति बैठकले कालापानी, लिम्पियाधुरा र लिपुलेक समेटिएको नेपालको नयाँ नक्सासहितको लोगो प्रयोग गर्ने निर्णय गरेको थियो । सोहीअनुसार नयाँ लागो राखिएको हो । अहिले राष्ट्रियसभाको बैठक जारी छ ।

प्रतिनिधिसभाको बैठक दिउँसो १ बजे बस्दै छ । सांसदहरूको लोगो पनि नयाँ नक्सासहित छिटै परिवर्तन हुने सचिवालयले जनाएको छ ।