काठमाडौं । कोरोना आशंकामा कैलालीका एक युवा आइसोलेसनमा भर्ना गरिएको छ । जिल्लाको गौरीगंगा नागरपालिकाका वडा नम्बर ३ का १७ वर्षीय युवकलाई सेती प्रादेशिक अस्पतालको आईसोलेसनमा भर्ना गरिएको हो ।

आईतबार साँझ मात्रै टाउको दुखेको र ज्वरो आएपछि उनलाई अस्पतालको आईसोलेसनमा भर्ना गरिएको सेती प्रादेशिक अस्पतालका सूचना अधिकारी दिलिप कुमार श्रष्ठले बताए । १७ वर्षीय युवक केही दिन अगाडी मात्रै भारतबाट फर्किएका थिए ।

पिसिआर परीक्षणका लागि उनको थ्रोटको स्वाब संकलन गरिएको श्रेष्ठले बताए ।