एजेन्सी ।कोरोना भाइरस महामारीको बीचमा इंग्ल्यान्ड सरकारले प्रिमियर लिग टोलीहरूलाई समूहमा प्रशिक्षण गर्न अनुमति दिएको छ । 

कोरोना भाइरसले २०१९–२० को प्रिमियर लिग सिजन मार्चमा स्थगित गर्न बाध्य पारेको थियो । तर, लिग अधिकारीहरूले प्रशिक्षणमा फर्किएपछि जुनको मध्यबाट खेल सुरु गर्ने योजना बनाएको बताइएको छ । सरकारले मे १३ मा क्लबहरू सामाजिक दूरीका उपायहरूको पालना गर्दै प्रशिक्षण गर्न अनुमति दिएको थियो ।

त्यस्तै गत साता प्रिमियर लिग क्लबहरू साना समूहमा प्रशिक्षणमा फर्किएका थिए ।  “खेलमा फर्किनका लागि सामूहिक प्रशिक्षणको धेरै महत्त्व छ । निकट सम्पर्कमा रही खेल संरचनामा रहेर प्रशिक्षण गर्न आवश्यक छ ।

यसका लागि ४ देखि १२ जनासम्म खेलाडीले समूहमा प्रशिक्षण गर्न सक्नेछन्,” खेल मन्त्री निगेल इजेल हडलस्टनले भने ।