काठमाडौं । पाकिस्तानको राष्ट्रिय एयरलाइन कम्पनी पीआइएको एक विमान शुक्रवार कराँची एयरपोर्ट नजिकै दुर्घटना भएको थियो । विमानमा चालक दलका सदस्यसहित कुल ९९ यात्रु थिए । दुर्घटनामा परी अहिलेसम्म ९७ जनाको मृत्यु पुष्टि भएको छ ।

२ जनाको भने जीवितै उद्धार गरिएको छ । यो विमान कराँचीमा ल्याण्ड हुन लागेको थियो । विमान रिहायशी क्षेत्रमा खसेको थियो । उक्त विमान लाहौरबाट आइरहेको थियो ।

बीबीसीका अनुसार विमान दुर्घटनाको सीसीटिभी फुटेज बाहिर आएको छ ।