काठमाडौं । नेपालमा आज साँझ मात्रै ९ जनामा कोरोना संक्रमण पुष्टि भएको छ ।

राष्ट्रिय जनस्वास्थ्य प्रयोगशाला काठमाडौं, बिपी कोइराला स्वास्थ्य विज्ञापन प्रतिष्ठान धरान किटजन्य रोग अनुसन्धान तथा तालिम केन्द्र हेटौडामा गरिएको परीक्षणमा थप ९ जनामा कोरोना संक्रमण पुष्टि भएको हो ।

नयाँ संक्रमितहरुमा मकवानपुर हेटौंटा–३ की ५४ वर्षीया महिला, भक्तपुर नगरपालिका–९ की ४२ वर्षीया महिला, सप्तरीका ३५ वर्षीय पुरुष र बाराका सिमरनगढ नगरपालिकाका २२, २७, ३०, ३४, ३८ र ४५ वर्षीय पुरुष रहेको स्वास्थ्य मन्त्रालयले जनाएको छ ।

यो सँगै नेपालमा कोरोना संक्रमितको संख्या ५१६ पुगेको छ । भाइरसका कारण ३ जनाले ज्यान गुमाइसकेका छन । जसमा ७० जना निको भएर घर फर्किएका छन भने अन्य संक्रमितको देशका विभिन्न अस्पतालमा उपचार भैरहेको छ । आज मात्रै बाँकेको नेपालगञ्जमा २१ जना निको भएर घर फर्किएका छन ।