काठमाडौँ । सरकारले सार्वजनिक गरेको नेपालको नयाँ राजनैतिक नक्सा तत्काल अन्तर्राष्ट्रियकरण नगर्ने सरकारका प्रवक्ता डा. युवराज खतिवडाले जानकारी दिएका छन् ।

शुक्रवार आयोजित पत्रकार सम्मेलनलाई सम्बोधन गर्ने क्रममा अर्थ एव सञ्चार तथा सूचना प्रविधि मन्त्री खतिवडाले उक्त कुराको जानकारी दिएका हुन् ।

उनले नक्साको विषयमा भारतसँग वार्ता गरी विवादको अन्त्य भए पश्चात् मात्र नक्सालाई अन्तर्राष्ट्रियकरण गर्न सकिने बताएका हुन् ।

सबुद र प्रमाणका आधारमा मित्रराष्ट्रसँग संवाद गरेर हाम्रा ती भूमि स्वतः नेपालको हो भन्ने स्वीकार गर्ने स्थितिमा पुर्‍याउन सरकारको प्रयास रहने मन्त्री खतिवडाको भनाइ छ ।