काठमाडौं । सरकारले नेपालको जारी नक्सालाई कार्यान्वयन गर्नका लागि संविधान संशोधन गर्ने निर्णय गरेको छ । शुक्रबार प्रधानमन्त्री निवास बालुवाटारमा बसेको मन्त्रिपरिषद बैठकले संविधान संशोधन गरेर नेपालको भर्खरै जारी गरिएको नक्सालाई देशका सरकारी कार्यालयहरुमा पठाउने निर्णय गरिएको हो ।

सरकारले नेपालको नयाँ नक्सा कार्यान्वयन गर्न संविधानको अनुसूचीमा रहेको निशान छाप परिवर्तन गर्न संविधान संशोधन प्रस्ताव प्रतिनिधिसभामा लैजाने निर्णय गरेको हो । नेपालको हालको निशान छापमा नेपाली भूमि कालापानी, लिपुलेक र लिम्यिाधुरा समावेश छैन ।

संविधानमा रहेको निशान छापमा संशोधन गरेर देशका सरकारी निकायहरुमा नयाँ नक्सा प्रयोग आउनेछ । सरकारले गत बुधबार नेपालको भूभाग कालापानी, लिपुलेक र लिम्पयाधुरा सहितको नक्सा सार्वजनिक गरेको थियो ।