रसुवा । चीनको जिलोङ् काउन्टीले रसुवाका लागि १ हजार ५ सय थान आरडिटी कीट उपलब्ध गराएको छ ।
रसुवा जिल्लाका स्वास्थ्यकर्मी, सुरक्षाकर्मी तथा सञ्चारकर्मीहरुको कोरोना परीक्षण गर्न आरडिटी कीटको अभाव भएको थियो । चीन सरकारबाट आरडिटी कीट सहयोग आएपछि सबैको कोरोना परीक्षण गर्न सहज भएको प्रमुख जिल्ला अधिकारीे अर्जुन भण्डारीले जानकारी दिए ।

कोरोना भाइरस रोकथामका लागि यसअघि रसुवालाई तीन पटकसम्म चीनले पीपीई, एन–९५ मास्क, डिजिटल थर्मामिटर, खाद्यान्न लगायतका सामग्री उपलब्ध गराइसकेको छ ।