झापाको एक गाउँपालिका सिल

काठमाडौं । झापाको एक गाउँपालिकालाई सिल गरिएको छ । कोरोना भाइरसको संक्रमण बढदै जाँदा जिल्लाको कचनकवल गाउँपालिका सिल गरिएको हो । कचनकवलमा ३३ जना कोरोना संक्रमित फेला परेपछि गाउँपालिका सिल गर्ने निर्णय गरिएको हो ।
गाउँपालिकामा अत्यावश्यक सेवा भने सञ्चालनमा आउनेछन । संक्रमितको संख्या निरन्तर बढदै गएको र उक्त संक्रमण रोक्नका लागि गाउँपालिका सिल गरिएको जिल्ला प्रहरी कार्यालय झापाले जनाएको छ । संक्रमणबाट बच्नका लागि सामाजिक दूरी कायम गर्नुका साथै अत्यावश्यक सेवाबाहेक अन्य सेवा बन्द गरिएको छ ।
प्रतिक्रिया दिनुहोस्