काठमाडौं । कोरोनाभाइरस (कोभिड–१९) को रिपोर्ट नेगेटिभ आएपछि शुक्रराज ट्रोपिकल तथा सरुवा रोग अस्पतालबाट बुधबार ४ जना डिस्चार्ज भएका छन् ।

कोरोना संक्रमित ४ जनाको दुई–दुई पटकसम्म रिपोर्ट नेगेटिभ आएपछि अस्पतालले आज डिस्चार्ज गरेको हो ।

टेकु अस्पतालको आइसोलेसनमा कोरोना संक्रमित अब १ जनामात्रै रहेको छ उनको विस्तृत रिपोट नआइसकेको अस्पतालका निर्देशक डा.सागरराज राजभण्डरीले बताए ।

टेकु अस्पतालमा वैशाखमा ३१ गते  भक्तपुरका २ जना  काठमाडौंका एक महिला भर्ना भएका थिए । महिला एक जना आरोग्य प्रतिष्ठानमा कार्यरत कर्मचारी हुन् ।

योसँगै हालसम्म नेपालका विभिन्न अस्तालबाट कोरोनामुक्तभएर डिस्र्चाज हुनेको संख्या ४९ जना पुगेको छ ।