काठमाडौँ। विश्वभर कोरोना भाइरस (कोभिड–१९) बाट मृत्यु हुनेको संख्या तीन लाख २९ हजार ९०३ पुगेको छ । कोरोना भाइरसबाट मृत्यु हुनेमा सबैभन्दा बढी अमेरिका रहेको छ अमेरिकामा ९३ हजारभन्दा धेरै मृत्यु भैसकेको छ ।

बेलायतमा ३५ हजारभन्दा धेरै मानिसको मृत्यु हुँदा इटालीमा पनि ३२ हजारभन्दा धेरै मानिसको कोरोना भाइरसको कारण मृत्यु भइसकेको छ ।
त्यसैंगरी जोन्स हप्किन्स युनिभर्सिटीको तथ्यांक अनुसार अहिलेसम्म विश्वभर कोरोना संक्रमित हुनेको संख्या ५० लाख ५६१ पुगेको छ ।

संक्रमित हुनेमा सबैभन्दा बढी अमेरिकामा १५ लाख ५१ हजारभन्दा धेरै मानिसमा कोरोना भाइरस संक्रमण पुष्टि भएको छ, रुसमा तीन लाख आठ हजारभन्दा धेरैमा संक्रमण देखिएको छ । त्यस्तै ब्राजिलमा संक्रमितको संख्या दुई लाख ९१ हजार नाघेका छन् । बेलायतमा अहिलेसम्म करिब साढे दुई लाख मानिस संक्रमित भएका छन् । भने विश्वभर कोरोना भाइरसबाट १९ लाख मानिसहरु निको भैसकेका छन् ।