काठमाडौं । आज बिहान काठमाडौंसहित उपत्यकाका ३ जिल्लामा भूकम्पको धक्का महसुस गरिएको छ ।

राष्ट्रिय भूकम्प मापन तथा अनुसनधान केन्द्रका अनुसार बिहान ८ बजेर १४ मिनेटमा भक्तपुरको अनन्तलिङ्गेश्वर केन्द्रविन्दु भएर ३ दशमलव ४ म्याग्निच्युडको भूकम्पको धक्का महसुस गरिएको हो । ‘भक्तपुरको अनन्तेलिंङ्गेश्वर भएर ३.४ म्याग्निच्युडको भूकम्पको धक्का महसुस गरिएको छ’, केन्द्रका एक अधिकारीले भने, ‘भक्तपुरबाट केही व्यक्तिले धक्का महसुस गरिएको भन्दै फोन आएको छ ।’

भूकम्पको धक्काबाट अहिलेसम्म कुनैपनि भौतिक तथा मानवीय क्षति नभएको केन्द्रले जनाएको छ ।