काठमाडौं । नेपालमा कोरोना थप २५ जनामा कोरोना संक्रमण पुष्टि भएको छ ।

संक्रमितहरुमा ३ देखि ४८ वर्ष उमेर समूहका व्यक्तिहरु रहेका छन । बाँकेमा ६ जना, धनकुटामा ५ जना, कपिलवस्तुमा १३ जना र नवलपरासी (पश्चिम) का १ जनामा कोरोना संक्रमण पुष्टि भएको स्वास्थ्य मन्त्रालयले जानकारी दिएको छ ।

स्वास्थ्य मन्त्रालय २४ घण्टाको अवधिमा २ हजार ४ सय ८८ नमुना पीसीआर विधिबाट परीक्षण गरिएको छ । त्यसैगरी ३ हजार ६ सय १० जनाको आरडिटी विधिबाट परीक्षण गरिएको छ । २३ हजार २ जना २ जना क्वारेन्टाइनमा रहेका छन् ।

यो सँगै नेपालमा कोरोना संक्रमितहरुको संख्या ४२७ पुगेको छ भने २ जनाको मृत्यु भैसकेको छ । जसमा ४५ जना निको भएर घर फर्किएका छन । अन्य संक्रमितहरुको देशका विभिन्न अस्पतालहरुमा उपचार भैरहेको छ ।