काठमाडौं । पाकिस्तानको सत्तारूढ पाकिस्तान तहरिके इन्साफ पार्टीकी एक नेतृको कोरोना संक्रमणबाट मृत्यु भएको छ ।

कोरोना संक्रमणबाट तहरिके इन्साफ पार्टीकी ६९ वर्षीया नेतृ शाहिन रजाको कोरोना संक्रमणबाट मृत्यु भएको हो । पाकिस्तानको स्थानीय सञ्चारमाध्यमलाई उद्धृत गर्दै बीबीसीले इन्साफ पार्टीकी वरिष्ठ सदस्य र पञ्जाब असेम्बलीकी सदस्य शाहिन रजाको कोरोना भाइरसको संक्रमणबाट मृत्यु भएको पुष्टि गरेको छ ।

रेडियो पाकिस्तानका अनुसार शाहिन रजाको लाहोरको मेयो अस्पतालमा उपचार भइरहेको थियो । पाकिस्तानस्थित गुजरांवालाका डेपुटी कमिसनरले शाहिन रजालाई सुरुमा गुजरांवालाको सिभिल अस्पतालमा भर्ना गरिएको थियो ।

आफ्नो चुनावी क्षेत्रको भ्रमणका क्रममा नेतृ शाहिनमा कोरोना संक्रमण भएको बताइएको छ । पाकिस्तानका प्रधानमन्त्री इमरान खान र पञ्जाबका मुख्यमन्त्री उस्मान बुजदारले उनको मृत्युमा दुःख व्यक्त गरेका छन् ।

पाकिस्तानमा अहिलेसम्म झन्डै ४५ हजार मानिस कोरोना संक्रमित भएका पुष्टि भइसकेको छ । पाकिस्तानमा कोरोनाबाट करिब एक हजारको मृत्यु भइसकेको छ । –बीबीसी