काठमाडौँ। काठमाडौँको मैतीदेवीमा पनि कोरोना भाइरसका संक्रमित फेला परेपछि उक्त क्षेत्र सिल गरिएको छ । मैतीदेवी बस्ने रामेछापका पुरुषमा संक्रमण पुष्टि भएको हो ।

उनी भाइसँगै बस्दै आएका थिए । मैतीदेवी मन्दिर देखि प्रहरी बिटसम्मको क्षेत्रमा सिल गरिएको प्रहरीले जनाएको छ। रामेछापको खाडादेवी–४ स्थायी घर भइ मैतीदेवीमा डेरामा बस्ने जुम्ल्याहा दाजुभाइ मध्येका दाजुलाई संक्रमण देखिएको हो । भाइलाई घरमै क्वारेन्टाइनमा राखिएको छ ।