काठमाडौं। चन्द्रागिरि नगरपालिकामा आरडीटीमार्फत् काेभिड-१९ परीक्षण गरिएकामध्ये ११३ जनाको रिपोर्ट पोजिटिभ आएपछि थप २ दिन नगर सिल हुने भएको छ।

कोरोना संक्रमितको संख्या बढ्दै गएपछि नगरपालिका उच्च जोखिममा रहेको भन्दै ३ जेठबाट ७ गतेसम्मलाई नगर सिल गरिएको थियो। अब उक्त सिल ९ जेठसम्म कायम रहनेछ।

नगरपालिकामा अहिलेसम्म ५२१ जनाको आरडीटी परीक्षण गरिएको छ। नगर सिल गरेर परिक्षणको कार्य तीब्र गतिमा अघि बढाइएको हो ।