काठमाडौं,।  धुलिखेल अस्पतालमा मृत्यु भएकि सिन्धुपाल्चोककी  महिलाको  सम्पर्कमा आएका ५३ जनामा  गरिएको परीक्षणको  रिपोर्ट निगेटिभ आएको छ ।

नगरपालिकाकी उपप्रमुख सुशीला पाख्रिनका अनुसार राष्ट्रिय जनस्वास्थ्य प्रयोगशाला टेकुमा गरिएको परीक्षणमा ५३ जनाको रिपोर्ट नेगेटिभ आएको हो ।

उनले भनिन- ‘५३ जनाको रिपोर्ट आएपछि केही हल्का भएको छ । ’५६ जनाको नमुना संकलन गरिएकोमा तीन जनाको स्वाब सोमबार पुनः प्रयोगशाला पठाइएको छ ।प्राथमिक स्वास्थ्य केन्द्र बाह्रबिसेका स्वास्थ्यकर्मी, प्रशासनका कर्मचारी त्यस क्षेत्रका स्थानीय र सुरक्षाकर्मी समेत गरी सोमबार थप १ सय ३३ जनाको नमुना संकलन गरी पीसीआर परीक्षणका लागि राष्ट्रिय प्रयोगशाला टेकु पठाइएको छ।