अमेरिकाको मासाचुसेट्सस्थित बायोटेक्नोलोजी कम्पनी मोडर्नाको कोभिड–१९ खोपको प्रारम्भिक नतिजा सकारात्मक देखिएको छ । खोपले मानव शरीरमा कोरोना भाइरस विरुद्ध लड्ने क्षमता बढाएको छ ।

अमेरिकी फार्मा कम्पनी मोर्डनाले कोरोना भाइरसविरुद्ध जाब खोपले मानिसमा परीक्षण गरेको थियो । उक्त खोपले मानव शरिरमा एन्टीबडी तयार पारेको हो । पहिलो चरणमा सुरक्षित छ की छैन भनेर गरिएको परीक्षणमा खोप लगाइएका व्याक्तिमा कोरोना भाइरसको संख्या स्थिर पार्ने क्षमता बढेको देखिएको छ ।
जाब ले साच्चै काम गर्छ या गर्दैन भनेर अझैं थप परीक्षण आवश्यक छ । त्यसका लागि आउँदो जुलाईमा धेरै जनामा परीक्षण गरिने भएका छ । विश्वभर ८० भन्दा बढी समुह कोरोना भाइरसविरुद्धको खोप विकासमा लागि परेका छन् । प्रयोगात्मक खोप परीक्षण गर्ने पहिलो कम्पनी मोर्डना रहेको थियो । मोर्डनाले विकास गरेको खोप कोरोना भाइरसबाटै बनेको हो ।

तर, खोपमा राखिएको भाइरसको आनुवंशिक हिस्साले कोभिड–१९ को संक्रमण भने गराउन सक्दैन । यद्यपी प्रतिरक्षा प्रणालीलाई भने बलियो बनाउन भुमिका खेलेको देखिएको छ । अमेरिकी सरकारको राष्ट्रिय संक्रामक एवं एलर्जी रोग संस्थानले यो खोपको परीक्षण सञ्चालन गरेको थियो । ४५ जनामा गरिएको परीक्षणमा ८ जनामा यस्तो एन्टीबडी जाँच गरिएको थियो । परीक्षणमा सहभागीलाई ३ किसिमको डोज दिइएको थियो । थोरै, मध्यम र धेरै । धेरै डोज दिइएकाहरुलाई अन्य असर पनि देखिएको बीबीसीले जनाएको छ । कम्पनीले थोरै डोज दिइएका व्याक्तिमा पनि कोरोना भाइरसको संक्रमणबाट निको भएका व्याक्तिको शरिरमा भएजत्तिकै एन्टीबडी मिलेको जनाएको छ ।

मध्यम डोज दिइएकाहरुमा भने संक्रमणबाट निको भएका व्याक्तिको शरिरमा रहेभन्दा बढी एन्टीबडी मिलेको छ । यो खोप पहिलो चरणमा अर्थात सुरक्षित छकी छैन भनेर परीक्षण भएको हो । यसले अझैं २ देखि ३ चरण पार गर्नुपर्ने छ । त्यसका लागि महिनौं समय लाग्छ । एमआरएनए–१२७३ नाम दिइएको यो खोपले मुसामा भने काम गरेको देखिएको छ । खोप लगाइएको मुसाको फोक्सोमा भाइरसको संख्या वृद्धि हुनबाट रोकेको हो । त्यसकारण मानिसको लागि पनि खोप प्रभावकारी हुन सक्ने देखिएको छ । यद्यपी पहिलो चरणको परीक्षणमा नै सुरक्षित, अन्य असर नर्गे र पूर्ण प्रभावकारी हुनसक्छ भनेर भन्न सकिँदैन ।

नँया पत्रिका